ياسلااام تحمست معاك
خاصة لما اخذتي الرخصة هههههه
عقبالنا ان شاء الله
رغم اني كل ماشوف شوارعنا والزحمة والنفسيات يجيني إحباااااط 😔😔

المشكلة مو بتعلم القيادة
المشكلة بالشوارع الضيقة والزحام والشباب المتهورة
قطع اشارات وسرعة مميتة وعدم التزام بقواعد المرور

طبعا السواقة بامريكا كانت تناسبني الكل منضبط ومحترم للقوانين
تحسين بالامان وتطلعين تسوقين بثقة تعرفين محد بيغلط عليك الا سكران



كنا اذا شفنا احد يسوق متهور ولا يعطي فلاش و يراوغ بين المسارات
ع طول نعرف انه سكران
و نتصل فورا ب ٩١١ و ثواني نلاقيهم موقفينه ع جنب


لكن هنا الشكوى لله كلهم يسوقون مثله وعادي يعتبرونها شطارة

في امريكا في كل منطقة او كل كم كيلو تحصلي سيارة بوليس محد يجرؤ على الغلط
هنا للاسف نحتاج تكثيف للرقابة المرورية
لكن بما انه لا يوجد تكثيف
لنكن نحن عيون الامن وعيون للمرور
لانهم ترا يتقبلون تبليغ المخالفات ويثبتونها فورا



لذلك نحتاج انتشار لثقافة التبليغ عن المخالف

انا نصيحتي للبنات هنا تعلمي وطلعي رخصة ضروري سواء كنتي تبغين تسوقين أو لا

لان تعليم السواقة المفترض تكون اجبارية كل شخص بالغ قادر يتعلمها حتى لو ماتبغى تسوق


لانها مثل السباحة ضروري تعلمها للجميع
لانها قد تنقذ حياتك وحياة طفلك او زوجك
صديقتي زوجها جاته نوبة في نص الليل مافي احد يوديه الا هي للطواري
والثانية سواقها ارتفع عليه السكر في طريق الملك عبدالله
واغمي عليه وبرحمة من الله عرفت هي وبنتها يجنبون السيارة

قال عمر بن الخطاب رضي الله عنه ( علموا اولادكم السباحة وركوب الخيل )






واذا تعلمتي واخذتي الرخصة
لا تروحين مشاوير بعيدة
يكفيك في الحي فقط
روحي المحلات القريبة منك مدارس اولادك
مستوصف او صيدلية او بقالة الحي الكبيرة
او محل كماليات
وهكذا


مو شرط تاخذين الرخصة عشان تطوفين الرياض كله مثل الرجال او تسافرين بها
خذي الرخصة واستخدميها استخدام خفيف
استخدام نسائي 🌹🚗


وسلامتكم

على فكرة قالت لي وحدة من الامارات ان البنت لو وصلت السن القانوني
١٨ او اظن ١٧ ابوها يطلع لها هوية ورخصة
هذا يعتبر شي بديهي
وبعدها غالبا ان البنت ماتسوق لان السواقين كافينها او اخوانها


لكن المجتمع ينظرون ان الرخصة للبنت وثيقة رسمية مثل الهوية حتى لو لم تستخدمها