تجربتي واللي حابة تبدأ معي حياها

طبعا ما فيه ولا وحده ردت على استفساري في موضوع الشاي الاخضر اللي على الرابط
http://forum.hawaaworld.com/showthread.php?t=1574280

بس انا من خلال تجربتي اللي جربتها ( شاي اخضر مع زنجبيل ونعناع ) ونزل وزني بس باتباع نظام اكل معين
طبعا في الاسبوع الأول لنظامي ما شربت شي ونزل وزني 1.5 كيلو وفي الاسبوع الثاني استخدمت الشاي الاخضرالطازج مع الزنجبيل والنعناع الطازجين وكمان وزني نزل 1.5 كيلو الى 2 كيلو وفي الاسبوع الثالث استخدمت شاي الوزه الاخضر بدل الشاي الاخضر الطازج واستخدمته يومين بس وتركته وكمان نزل وزني 1.5 كيلو وانا الحين امشي في الاسبوع الرابع وبدون شاي اخضر بس ان شاء الله ارجع له لان من ملاحظاتي اثناء استخدامي له ان بطني انشد وانا هالشي ابيه فراح استمر عليه حتى احافظ على شد بطني
وعلى فكره كنت اشربه قبل الوجبه ب نص ساعه

وانا كنت بس حابه اعرف الطريقه الصح من خلال موضوع الشاي الاخضر بس ما من مجيب

فحبيت اعرض خلاصة تجربتي وهي:
ان الشاي الاخضر مثل ما قالوا البنات يحافظ على الوزن واتوقع استخدامه مع الزنجبيل والنعناع ينحف منطقة البطن بس بشرط استخدام نظام غدائي معين

طبعا انا ما ابي انزل نزول سريع حتى لا ارجع بسرعه
مشكلتي في زيادة الوزن بدت من حملي يعني وزني ارتفع الى 76 وبعد ولادتي انصعقت لان وزني ما نزل غير 5 كيلو بس يعني الزياده فيني مو من ولدي والماي اللي في كيس الجنين
حاولدت انزل وزني بس ما قدرت اكثر من 69 وكان ثابت على الرقم هذا
وبعد ما كمل ولدي 8 شهور قلت ما ابي اظل كذا لان وزني كان يتراوح بين 54 و53 طبعا طولي 155 سم
وبديت بنظام غذائي اعطتني اياه الدكتوره لما كنت حامل لاني كنت مصابه بسكري الحمل وطبعا وزني بدا يتنظم بهذا النظام بس طبعا انا غيرت فيه شوي ( يعني لو ما اتبعت هذا النظام كان وزني مع نهاية حملي يمكن وصل الى 85 )
المهم خواتي وزني الحين 64.5 وهذا الوزن وانا شبعانه يعني آخذه بعد وجبة الاكل وان شاء الله اوصل الى 53 ومو مستعجله لأني ابي وزني يضل ثابت ولو نزلت نزول سريع راح اطلع طلوع سريع

اتمنى اكون قدمت شي للافادة وتحياتي للجميع