ما شاء الله يا سوسو مبدعه يلا نبدأ تنافس أنا وأنت ترى مع الممارسه المهد يأخذ منك أقل من أسبوع ..

بالنسبة لمقاضي النونو ناويه إن شاء الله أنزل هالفترة قبل زحمة السوق وأخلص بدري ..

السلام عليكم

سوسو ،،، مشاء الله عليك والله انك فنانه عجبتني حركة اذون الارنب ههههه

بدور تصميم واعطيك اياه تسوينه لي 😘 تحمست

بنسبة للتجهيز انا بنتظر اهلي يجون حتى اترك بناتي عندهم لما انزل السوق

ماحب اخذهم معي يتعبوني وانا اطاردهم واراقبهم لايضيعون


بنسبة للحركة بنتي عندها حركة غريبه وقمت اقلق عليها

وانا منسدحه تكون حركتها في البداية عاديه رفسات وتهدى وتكمل رفسات وتهدى

بعدها تجي حركة فجأة مثل الطفل لما يخاف ويرتجف رجفه قوية فهمتو علي كللل يوم لازم تسوي هالحركة كانها خافت او جتها رعشه مع انه مافي صوت عالي ولا في حركة عملتها تخوفها

والله قمت اقلق عليها

عملت بحث في جوجل و صاروا يتكلمون عن الرجفه على اساس انها حازوقه ومو هاذي اللي اتكلم عنها



طمنوني

امس نزلت السوق لسنتربوينت
ع اساس بجهز
بس ﻷني بكريه ماعرفت ايش اخذ ابد
اخذت برباتوزات من 0-3
لكن مرررره كبيره بنت اخويا عمرها 3 شهور
جربتها عليها وطلعت مررررررررررره كبيره عليها
اللي مجهزه قائمه ياليت تكتبها لي
والمقاسات انا شفت اكس سمول و نيوبورن
ايت اصغر ؟؟

اي والله ليت تعلمونا المقاسات بنزل للسوق اخر هالشهر وبرجع اخر 11 يمكن احصل شي ثقيل لاني بجهز الی عمر 3 شهور وبعدها ابدا اشتري لها طقوم وكشخها

ارينا و منار

فيه محلات نيو بورن عندهم مقاس واحد

و عند مذركير فيه انواع منه نيو بورن + وزن البيبي

بعضهم يولدون اطفال خدج او وزنهم قليل على حسب الوزن تشترين

انتي خوذي من قياس 3 كيلو طقم واحد تكفيه اسبوعين اللي هي الداخلي 3 قطع و البربتوز الخارجي ابو اكمام طويله وشرابات 3 قطع مع القبع تجي صغيرة على مقاس المواليد في مذركير

بعدها خوذي من صفر الى 3 اشهر كمية تكفيه يعني طقمين او ثلاث يكفي والطقم الواحد يجي فيه 3 قطع

تقريباً حق 3 اشهر الاولى يكفيك من 6 الى 9 قطع

هذا اذا يتغسلي يومياً

بس اذا من النوع اللي تجمعين كم يوم بعدها تغسلين خوذي كميه اكبر خصوصاً من اللفات لانه بيرجع كثير عليها

وفي سنتر بوينت عندهم انواع كثيرة الرخيص و الغالي ،،، الرخيص خوذي منه اقل شي 6 حبات للبيت و الغالي خليه للطلعات او اذا احد جاك يكفي 3 او 4 منه تطقميه مع لون لبس البيبي و المدس اثنين للطلعات

فيه بنات هنا بينزلون قائمة الاغراض كامله منهم ليلوسا

انقطعت هالفترة الله يسمعنا عنها الاخبار الزينه


ذكرت لك ع السريع من تجربتي مع بناتي وكنت اغسل ملابسهم يومياً لوحدها واغير لهم اللبس كامل بعض الاحيان 3 او 4 مرات خصوصاً لما يجيهم اسهال وانتم بكرامه او اذا صار عندهم ترجيع شديد


ان شاء الله البنات كل وحده تكتب تجربتها وتستفيدون يالبكريات