تحديث حافز والزحمه اللي صايره !!

السلام عليكم ورحمة الله وبركاته


بنات صحيح التحديث مطلوب ؟ انا الى الان مو مقتنعه اني احدث بياناتي
لانه ماجانا خبر او رساله منهم اننا نسوي تحديث للبيانات

وسالفة الموظفين اللي جالسين يردو ويقولو لازم تسوون تحديث ماعندهم اي سالفه
واساسا نفسهم ماهم فاهمين لبرنامج حافز

لاني اول ماسجلت بحافز والسالفه اللي صارت بسبب الدخل ولازم تكتبين المكافئه اللي استلمتيها من الدوله
كلمتهم وهذا نص الكلام اللي قلته ...

انا متخرجه العام ومطلوب لازم اكتب اللي استلمته قبل 12 شهر اللي مضت
وجاني خبر ماادري اشاعه او لا ان المكافئه اللي اخذتها من الدوله واكرامية الملك عبدالله تكتب صحيح الخبر او لا ؟؟
شوفو رده علي .... قال طبعا تكتبيها مثلا اخذتي 4000راح نقسمها على 12 اللي اهي الاشهر
وتاخذين بحدود 1700 ريال شهريا
وطبعا انا كلمت مره وصديقتي مره وابوي مره وكلهم مثل الكلام

ومااقتنعت ودخلت صفحاتهم بتويتر واستفسرت ورد علي خبير حافز الكلام موصحيح اكتبي اصفار
قلت الموظفين يقولون كذا ... رجع ورد الكلام الصحيح مني اكتبي اصفار


والحين الكل حدث وخبير حافز مارد على اي واحد بخصوص التحديث بس قال اذا في تعديل بالدخل حدث البيانات


وترى امس ارسلو رسايل للي ماستلمو الشهر هذا مطلوب انهم يحدثون البيانات باسرع وقت
من ضمنهم اخوي وصديقه

واحنا اللي استلمنا ماجتنا منهم رساله ... اخاف احدث البيانات وتعتبر غلطه ويحذفوني من الاعانه

اللي عندها خبر اكيد بخصوص التحديث من غير رد الموظفين تفيدني واكون شاركره لها