تحسون باللي احس به

السلام عليكم

بنات انا متزوجة مدمن اقسم بالله العظيم لعب فيني و اهانني و سوا اللي ما يتسوا ما ابي اتكلم عنه الله يستر عليه وماعلينا منه

الحين ان اعلى وشك طلاق و نفسيتي قسم باللله فالحضيض و على قلبي هم مثل الجبال

واحس بحزن شديد لو يتوزع عالعالم كلهم مايكفيهم

عندي منه بنت و هاللي معور قلبي

كل مااشوفها الحين اصيح و اذا صاحت اصيح معها

والله الله يعلم لي يومين ابكي بكاء شديد لين ماتتورم عيوني وانام والله آالمتني عيوني من البكاء

شايلة هم كل شي المستقبل بنتي دراستي صديقاتي

كل شي في حياتي تغير

ملخبطة و حاسة باحبط ونفس الضايعه

احس بوحده فضيعه بين الناس حتى وانا اسولف و اضحك و لا يبين علي ابببدا بس من داخلي برااكين حزن و دموع

ساعودني كيف ابدا حياتي من جديد كيف ارجع انا الاولية نفس قبل الزواج لا هم ولا نفسية زفته

بعدت عن صديقاتي فترة مش بالطويلة بسبب النفسية الزفت والله كاني عايشة في حلم

لو تكلمت عن افعال زوجي و قلت ربعها بس بتقولون كيف للحين انتي بعقلك

ربي لك الحمد بقدرته ربط على قلبي و عقلي ولا كاني الحين في مستشفى المجانين اعوذ بالله وبسم الله علي

والحمدلله مااستخدمت اي حبووب نفسية برغم ما مررت به ولن استخدم ابدا ان شائالله والله لا يحوجني لطبيب غيره

الحين يا بنات ابيكم تساعدوني و كثير مو شوي

اولا تدعولي بالفرج و تيسير الطلاق و تخفيف الحزن مني و الدعاء لي بظهر الغيب ولا تنسون الملك يقولك ولك بالمثل واتذكرو ان الله كريم

ثانيا الحين بقولكم الاشياءا اللي اسويها لارجع لحياتي الاولية

تقربت لربي بالدعاء و قيام الليل احيانا مش دايما بس سبحان الله احس برااحه عظيمة خاصة اني اكون مو شبعانه صياح يعني اجلس اصيح و ادعي لين تعورني عيوني و انعس و ان اباقي فيني كثيييييير كلام وكثييييييير دموع

اسمع للرقية الشرعية احيانا و اقرا البقرة كل 3 ايام الحمدلله

احيانا اصلي السنن واحيانا لا على حسب الطاقة الجسمية

ودي اتواصل مع الناس بكثرررة الحين برجع لصاحباتي و بتواصل معهم قدر الامكان

عندي 2 من قرايبنا بنات اقربهم لي افضفض لهم و اقرب وحده لي دايما اسولف معها و افضفض لها وسبحان الله ارتاااح كثيييير

ودي اقوي علاقاتي الاجتماعية مع الناس و اعيد ثقتي بنفسي ساعوددني من بعد الله

ودي ادخل دورات تطوير الذات وش هالدورات و كيف ادخلها ساعدوني الله يخليكم

مابخلي لي وقت فراغ ابدا ابشغل نفسي 24 سااعه

السنة الجاية باذن الله بكمل اول سنة جامعة و كثيير متوترة و افكر فالجامعة يمكن يقولون متطلقة و بعدين باين الحزن فيني من شكلي حتى كلامي قسم بالله اتاتا و اتلعثم و ما اقدر اندمج بسرعه او يكون لي كثير صديقات لان زوجي عقدني مرضني نفسيا شووووي

ودي اكون نفس قبل اجتماعية و واثقة من نفسي

ادعولي ارجع لصاحبتي اللي افترقنا انا وهي و ادعولي الله ييسر لي صحبة صالحه تطلعني من هالازمة و تنسيني شي اسمه زوااج و بهذله مريت فيها

زوجي بغى يقتلني يناس و كان مايخليني اطلع من البيت ابدا و لا اكلم احد بالتلفون و قطع علاقاتي بجميع صاحباتي حتى عقدني و لا اطالع احد ولا اكلم احد

و كان يستهزأ فيني و يسبني سب و يهين و يستحقرني حسبي الله عليه


ظلبتكم طلب بالله انكم ما تطنشون موضوعي هذا وعلى الاقل بدعوة و من كان في عون اخيه المسلم كان الله في عونه

حاسة باحباط شديد و حزن و هم على قلبي و غربة ووحده

و من بغت تتعرف علي تساعدني و تسمعني و توجهني ومستعده تتحملني ترسلي ايملها عالخاص