مجرد وجهات نظر تقبلوها بصدر رحب ولا أحد يزعل
الزوآج
الوحدة مننا لما تفكر بالزواج تفكر انها بتجلس جنبه على الكنبه يشوفون فلم رومنسي وياكلون فشار ويشربون ببسي ويلعب بشعرها وبعدين تنام ويشيلها يوديها على السرير وهات ياافلام رومنسيه على كيف كيفك لما تنصدم بالواقع
تراك بتاخذين سعودي = ضب مايعرف يدلع وان دلعك ايام الخطبه والملكه بس بعدين اقوى شلوت
تبغون الواقع المرير لزوج السعودي اقرو تحت والي ماتبي تنصدم تسكر الأيميل وتطلع عشان ماتخرب احلامها الورديه
والله انها صادقة الوحدة لاتزوجت ان نامت قال زوجها نوامه وان كلمت بالتلفون قال بربارة و ان سولفت معه قال صجتنا بسواليفها السامجه وان سكتت قال وشفيها (مغلدمه )< الي يفهمها يفلقني
لا ويبي لك تكونين اتكيت مع اهله وتجاملينهم مايكفي متحمله ولدهم بتتحملين اهله بعد وخواته ولا عاد اذا حملت الوحده لاعاد يمديها تشوف لافلم ولا تطلع ولاشي ماغير تروش بهالبزارين وترضع واحد يصيح يبي ياكل جوعان
والثاني جالس يرجم بالألعاب حقته يبي العاب جديده و الثالث والرابع يتاطقون على الريموت ويبداء الصرااخ بالبيت والمشاكل والأثاث يتوصخ الي يكب شاهي والي يستفرغ على الكنب لااااااااااااااااااااااااااااااااااا كاابووس
على طول بقطع شعري انا واجيب سكين وانتحر مااقدر على صجه البزران ! ويجي الزوج من الدوام يبي ينام ويقول هجديهم ويجلسون يصارخون زياده عناد ويطلع يلعن اصلي يلي ماتعرفين تربين اروح اكرف عشانكم واتعب واشتغلوحتى النوم ماقدر انام بهالبيت
ولانوووووووووم اليل يقومك باليوم مليون مره وان جبتي خدامه مسسستحيل تعتمدين عليها في تربيه ولدك
ولا عاد تتزوجين واحد معقد يصير كل ماسويتي شي قال ناقصات عقل ودين !
صديقاتي المتزوجات يلي افتقدتكم بالمسن هههههههه وربي ارحمكم وين ايام السهر والفرفره والدجه
كيف الحال مع عريس الغفله يوم اون لاين و6 شهور اوف لاين
تحيييييييييييييا العزوبيه
مايستفاد من القرقره الي فوق /
1_ احمدو ربكم يابنات تنامون ماوراكم هم تشيلونه غير الجامعه واحيانا مشاكل اهلك
2_ قلبك مرتاح مافي احد تغارين عليه او تخافين يوم يتزوج عليك
3_ ماوراك بزر كل شوي تقومين ترضعينه او تغطين عيالك وتشوفين ان كان احد تعبان
4_ تجلسين اسبوع ماتحممتي مروحه محد طاق لك خبر < هههههههههه خصوصا بالشتاء
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بلا عرس بلا وجع قلب
وش جانا من ورا ذا العرس غير التعب غير الالم وش جاناـ << لبى قلبك يابو طلال جبتها عالجرح خخخخخخخخ
ياحبي لك والله انك صادقه بكل كلمه .. ترا كل السالفه مغاير ان ذي اعرست وذي مااعرست مايدرون انه مسؤوليه ودبلت تسبدـ
وحبيت اضيف نقطه مهمه : ترا الامهات لهم دور كبير في تشجيع البنات عالعرس هههههههه هااو بنت فلان اعرست وهي اصغر من بنتي !! وتجلس تندب حظها هي وبنتها تقولين خلاص فاتها العرس والا تجيك تدهر ببنتها بكل عرس بس عشان تنخطب !! ويضيق صدرها لا خلص العرس ولااحد طق لها خبر .. انا اشوف ان الامهات هم اللي يموتون بناتهم عالعرس
<<موكل الامهات بس الغالب كذا لونهم
((اقول بالفم الملييييييييان يابنات عيشوا حيااااتكم لاحقين عالششششششقى والغثى ..اطلقوا العنان لانفسكم والقلب داعيلكم ))
السلام
<B>
أخباركم يا بنااات
</B>
waz up
بقولكم سالفه
بالجامعة البنات مررره وضعهم رديء
وإذا سمعوا طاري الزواج تنط عيونهم على برى
ويتحسرون على عزوبيتهم اللي طال مداها
بالرغم ان عمر الوحده فيهم ماتعدى 23
وأنا بصفتي جربت الوضعين
الزواج والعزوبية
قررت أكتشف الخلل في تفكير البنات وأسلط عليه الضوء<<<موب عاقله
المهم
يابناااااااااااات ياعازبااااااات
وش سر موتكم عالزواج والعرس
أنا بشرح لكم الزواج
أولا نظرية يبدأ الزواج بالهموم منذ اللحظة الأولى
وهذي النظرية يندرج تحتها الكثير من المفاهيم المهمة أبرزها
قبل لاتنخطبين وانتي تفكرين وتقلقين
وإذ حصل وانخطبتي تفكرين توافقين ولا ترفضين
وإذا وافقتي تبدين تخططين لعرسك لخطوبتك ملكتك شقتك و و و
يعني هواجيس وغثى من أولها
النظرية الثانية
الخطوبة حلوة وياليتها ماتنتهي
هالنظرية مهمة
إذا تمم ربي وتملكتي
تبدين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه
ويييي لو تدري يالعريس بغيت أموت على مالقيتك
المهم
ويأخذ رقمك ويدق على جوالك وتسولفون سالفة بايخه بعدين يبدأ يصير رومنسي
ويدق الليل
ويسأل تعشيتي نمتي و و وناسسه
بعدها يتدرج
ممكن أزوركم
ويزوركم
ويجيب العشى والهدية والورد وتكرر الزيارات وكل زياره بهدية
وكل زيارة تتمادون أكثر
أول شي انتي بكنب وهو بكنب
خلال 3 أيام انتو في أصغر كنب بمجلسكم متفاعصيين
ههههههه
المهم ولازم ماتصير خناقه عاد خلال هالزيارت
وأبشركم هذا أول الغيث يكوون قطرة
والعازبات يابعد قلبي يتحمسون يموتون يظنون كل الزواج عسل ووناسة وانه بيستمر على هالمنوال
لا والله
النظرية الثالثة : لقد انعميت على عيني وتزوجت
صار عرسكم
وطبعا كحال كل سعودي وسعودية حاجزين لماليزيا
لازم تتخانقون اذا مو في طريق المطار في الانتظار واذا مو في الانتظار في الطيارة
واذا مو في الطيارة في الفندق أهم شي تتخانقون
والصلح عاد أحلى شييي
المهم هنا تكون البنت تخطت شوط كبير وينتظرها شوط تعيس
المهم في السفر هذا بتصير أشياء تقودنا للنظرية الرابعة
النظرية الرابعه:كل منا اكتشف الآخر
هنا عاد نقطة الحسم
يا تتطلقون لا سمح الله
ياتصبرين وتنطمين وتواصلين الحياة
لأن مافي انسان بدون عيوب وبتكتشفون بعض هنا
المهم في بنات يمكن ينصدمون
وتتزوج واحد لاسمح الله مدمن أو مريض أو سيء الخلق
وتندم على الزواج من هالمرحلة المبكرة وزي ماقلت ياتنفصل ولا تكمل
وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق
ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب
والله يعين كل وحده فيكم
وما ابي اسمع وحده تتميلح وتقول لا والله رجلي بسم الله عليه كامل الكامل وجه
لا مافي احد كامل ولا تقعدين تقولين كذا لآن خواتنا المشفوحات بيتحطمون زوود
النظرية الخامسة:وتستمر المناورات
خناقات تالي الليل
ودني لأهلي
النوم بغرف منفصله
السفهان والحقران
اعطاء كل منكما ظهره للآخر وغيرها
النظرية السادسة:لقد فعلناها بنجاح وها نحن ننتظر مقروداً أقصد مولوداً
هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة
وش معنى فلانه حملت وأنا لا
أو هو يبدأ يحن
يلا نبي بزر يملى الحياه
وهو لا والله بعد غيران من غيره وخايف من كلام أهله وزملائة
وهنا عاد يبتدي أكبر هم
النظرية السابعة:مولودي العزيز لقد دمرتني
نفس البنت بخشمها
تتوحم تسهر تطرش تتخانق كله خياس في خياس
استغفرالله بسس
ويبدى عاد نكد منفرد من نوعه
خناقات على اتفه شي
ريحة عطرك وع
أشم فيك خياس
كارهتك بالعربي وغيرهااا وماخفي أعظم
وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب
النظرية الثامنة:انهيااار تااام
ولدتي يابنت مبررروووك
وابتدى مشورا الصياح المرض السهر التفكير تحمل الهم والغم والصبر والتضحية و و و
الله يعين الأمهات
والله يأجر امهاتنا اللي مروا بهذا كله وصبروا
مصاريف ومشتريات وتفكير وقلق وتعب وتضحيات
والله تبدين تحسين الحياة صعبة
وقتها
بتكتشف البنت ان العزوبية أحلى وأزين
ويممكن تقص على نفسها وتتحمل وتقول سنة الحياه وتصبر
وبتقول صدقوا صديقاتي يوم قالو الزواج هم وغم
تنويه: مهم
كلامي هذا لايعني بأن البنات لا يتزوجون
لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس
لكن ليس قبل
ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك
وأهم شي تنااااميييين زي ماتبين
وتشوفين كل الأفلام قبل النكد
يعني من جد خل نحسبها صح
انا أعرف بنت تزوجت واحد وصحت من نومها لقت اخوه المراهق يبوس رجولها وانصدمت
ووحده زوجها يخونها
ووحده تزوجت واكتشفت زوجها انه شاذ جنسيا ومستمر بشذوذه
ووحده زوجها مدمن
ووحده زوجها مريض نفسيا
وااللي عصبي ويطقها ويحرمها من اهلها
يعني مو كل الأزواج جنه ولا كلهم نار
فأنتي لو من البدايه خيروك بواحد زي كذا ولا العزوبية وش بتختارين
أكييييييييييييييد العزوبية
وفوق هذا انتي تجيك الدورة الشهرية وتتألمين وتولدين وانتي لازم بعد في عز ألمك تبتسمين وتضحكين وتكشخين وتتمكيجين وتلبسين وتشيلين شعر بالحلاوة والله انه يعور عاد ولازم تزورين أهله وتحترمين أمه وتقدسين أخته
وياويلك هذول أهلي و و و
والرجل هناااا مجرد متفرج ومستمتع
خلاص ماراح اعرسسسس لين اطلع كل الهبال اللي براسي
وبعدين اعقل واعرسس
مشكوره على الطرح