تخربط جدولي بسبب نوم بنتي تكفون ساعدوني

السلام عليكم ورحمة الله

صباح الخير بنات وسنعات عالم حواء
بنات انا عندي بنت عمره سنه و8 شهور
لما كانت صغيره وقبل تكمل السنه كان كل شي تمام من ناحيه تنظيف البيت والطبخ والحمد لله أشتغل على قدرتي وألبس وأكشخ لزوجي وأهتم بنفسي وكنت اجتمع مع حريم حارتنا وأسوي عزيمه صغيره لي ولأخوات زوجي يعني مو دايم بس كنت أعزم وأروح
المهم تخربط كل شي من شهر تقريبآ ماقدرت أسيطر على الوضع وماقدرت أعدل نوم بنتي ومن تخربط نومه تخربط جدولي كله ,اقول لكم جدولي أول
انا كنت أنام بحدود 12 أو 1 وأقوم مع زوجي أفطره وأفطر انا بعده وأريح شوي وبعد كذا أشتغل بحدود 7,30 أو 8 المهم أشتغل وأخلص 9,30 وأريح شوي وأبداء بطبخ الغداء ونتغداء اذا رجع زوجي من الدوام وأخلص من المطبخ وغسيل الصحون بحدود 1,30 وأنام الظهر ,العصر أقوم أصلي وأسوي قهوه لي ولزوجي وأقعد أريح شوي واذا عندي كوي أو تصفيط ملابس يكون بهذا الوقت المهم بعد المغرب أجهز العشاء واذا خلصنا أنظف المطبخ وأمسح الطاولات والفرن المهم 10 أكون مخلصه من المطبخ وبنتي أقومها 10 الصباح وتنام معي الظهر واذا قمت العصر أقومها معي يعني كان جدولي بالنسبه لي ممتاز خاصه اني اقوم الفجر
الحين لاااااااا كل شي تخربط يعني ألحين تنام بنتي بالليل الساعه 10 أو 11 انا أول ماتنام طوالي للمطبخ أرتب أو أغسل صحون ومأحب انام وفيه بالمطبخ شي لو ملعقه وبعد كذا أكوي ثياب أو أصفط أو أكنس واقعد شوي عند التلفزيون وبهذا الوقت تكون الساعه 1 واذا حطيت راسي ابنام قامت بنتي وصياح واطلعه شوي بالصاله أخليها تلعب وانا على النت لاني مالي نفس أشتغل أي شي بهذا الوقت المهم ماتنام ألا 9 الصباح وانا بهذا الوقت أغسل ثياب او أكنس وطبعآ أكون تعبانه لاني مانمت بالليل فشغلي ييكون قليل وطبعآ اقوم زوجي للدوام ,افطره واذا نامت بنتي ارتب الصاله وأنام طوالي وماأقوم الأ12,30 وقت الغداء فأسوي غداء بسيط يعني مو مثل أول ألي أتفنن بالطبخ والسلطه ويكون كل شي نظيف ومعطر والبخور لازم يوميآ وألبس والكشخه تكون من صلاة الغرب وبعد يعني مو مثل أول وبعد كذا أنام الظهر وطبعآ بنتي تكون نايمه وأقوم العصر متأخره مع أني أركب المنبه وأقول لأخواتي يدقون علي علشان أقوم أصلي لكن مأقوم بوقت الصلاة المهم أسوي العشاء وأغسل الصحون وأنظف ألي قدامي بالمطبخ وأكون تعبانه ولا أطلع من البيت ألا قليل وسبحان الله كل شي متخربط
بنات لاتضحكون علي والله صادقه يعني انا بالنسبه لي أهم شي نوم الليل والشغل بدري بالصباح وحتى نصف الشغل أخلصه بالصباح آسفه بنات على الإطاله قلت لكم قصة حياتي
أول من الفضاوه كنت أمسح الجدران والأبواب ودواليب الغرفه ألحين أمسح بعض الأشياء وأسوي حامل لعلب البهارات وحامل للقصدير وأرسم و أسوي أشياء كثيره لأن ماعندي شغل مخلصه من البيت وشغله
تكفون بنات لو كنتوا مكاني كيف تتصرفون وكيف تشتغلون
بتقولون أطبخي الغداء بالليل أو الصباح وسخنيه اذا جاء زوجك من الدوام أنا سويت الغداء أمس لكن مأحس أن طعمه زين يعني مو مثل اذا طبختيه بوقته يكون طازج وساخن مأدري
أبي جدول وكيف أنظم نوم بنتي
الله يجزاكم خير ويحفظ لي ولكم أحبابنا ويحقق أمنياتكم ويرزقكم