فيه شيء قاهرني
بطول شوية بس والله راح تعرفوا انه يقهر
تخيلوا !!
كل وحدة تتخيل معي خاصة المتزوجات لأني أبغا آراءكم بعدين
عندي حريم أخوان وكأي سلفات غالبا مو متفاهمين
المهم حريم أخواني الكبار ثنتين .. والثالثة أصغر
الثنيتن يشتكوا من الثالثة بشكاوي غريبة كنت أسمعها وأضحك أقول الله يشفيكم
الثنتين ساكنين معانا بنفس البيت والثالثة بالرياض
لا جات الثالثة بدأت المشاكل
تخيلوا من كثر شكاوي الثنتين ما صدقتهم قلت لازم أشوف بنفسي
طلعت يوم من الأيام عند وحدة من الثنتين وكانت الثالثة موجودة ومعانا أمي
نسيت أقولكم وش شكوتهم الأساسية
يقولوا الثالثة تتعمد تطلع وتتمخطر قدام أزواجهم اللي هم أخواني .. الله يستر علينا
أنا ما صدقت قلت قوية والله تأكدوا بارك الله فيكم هذا اتهام قوي بعدين قلت مو معقولة الثنتين يتفقوا وهم ما بينهم مودة
لازم أتأكد بنفسي
سوينا كمين
أنا ووحدة من الثنتين وعزمنا الثالثة المتهمة واتصلت علي الأولى وقالت يلله أطلعي الثالثة وصلتطلعنا أنا وأمي .. وجلست المتهمة قدام باب المجلس بالتمام .. واللي يجلس هناك يقابل الداخل من باب الشقة على طول
المهم وقتها بالصدفة سبحان الله أخوي زوج الأولى دق على باب الشقة يسأل تبغوا شيء؟ المهم أول ما سمعنا صوته على طوووول المتهمة
تسندت قداااام الباب وصلحت شعرها وحطت رجل على رجل!!! أنا وأمي عيوننا كذا
.. قلت لالا مو معقولة المهم بعد هالسالفة بأسبوع كنت جالسة مع أخوي الكبير واللي أصغر مني وأبوي نتفرج تلفزيون
قاعدين في أمان الله شوية والمتهمة هذي تطب علينا في الغرفة لابسة جينز وحاطة المنشفة على راسها ومنزلتها على وجهها وداخلة سيدا على الغرفة ودايركت على الفيش تشبك جوالها في الشاحن !! أخواني الاثنين انصدموا ودنقوا رؤوسهم وأبويا مسكين مصدوم
وأنا أخس منهعلى طول قمت ومسكت يدها أطلعها من الغرفة وأول ما لمست يدها صرخت ياااااااي ولفت وجهها علينا وسحبتها برا الغرفة قلتلها اشبك منت شايفة أخواني في الغرفة؟! قالت بالله ما انتبهت !! طووووول بعرض وما انتبهت بس أنا عرفت انها تستهبل وقاصدتها لأنها دخلت حاطة منشفة على راسها ومغطية وجهها جزاها الله خير
الموقف الثالث يوم من الأيام طلعت عند زوجة أخوي الثانية مو صاحبة العزيمة لالا جارتها اللي تحتها
المهم وأنا طالعة أحصل الأخت المتهمة تلعب ولدها برا في الدرج قدام باب شقتها ببرمودا وبدي علاقي !! أناااا وأنا كل اللي في العمارة أخواني أستحي أطلع كذا المهم قلتلها سلامات ليه مصيفة وقاعدة في الدرج كذا والطالع طالع والنازل نازل؟؟ وأنا أكلمها انفتح باب شقة أخوي الأول قدامنا وطلع أخوي رايح الصلاة والأخت لسه مكانها
أخوي على طول تراجع وسكر الباب وأنا أطالع في اللي جنبي وربي مستغربة بقوة وقاحتها وجرأتها!! المشكلة إني أخت زوجها يعني ما تخاف أوصل أنا الخبر لزوجها؟؟ والله بنات الحين مااش إلا من رحم ربي مع إنها قدي بس أنا أعقل منها
وصلنا للنهاية تقريبا
السوالف هذي قبل شهرين تقريبا أو ثلاثة بس اللي خلاني أقولها الحين إني تزوجت قريب تو .. وسكنت بالرياض بنفس مدينتها وتكررت معاي نفس مواقف حريم أخواني .. إذا شافت زوجي توقف جنبنا << طبعا هالكلام لما نكون برا البيت لكن أتحداها تسوي هالحركات في بيتي !! وكم مرة جاتني وكانت تجلس قدام باب مجلس الرجال بس بعدين صرت أحجرها وأحطها بمجلس داخلي بعيد عن الرجال
والله كرهتها من تصرفاتها ووقاحتها .. خمس سنوات متزوجة من أخوي ولسه ما عقلت مدري إيش تبغا
حتى أمي أخذت منها موقف ودايم نتقابل ماني عارفة كيف أتعامل معاها وكيف يكون أسلوبي
مدري أواجهها والا أطنشها؟ مرة فكرت أقول لزوجها اللي هو أخوي بس قلت لا أخوي عصبي ويمكن يتخاصموا .. قد مرت عليهم مشاكل كثييييرة وخفت تكون هالمشكلة اللي تقصم ظهر البعير على قولتهم .. وكمان حسيتها فتنة فغيرت رأيي
ترى والله المسألة كبيرة ودايم تتكرر , ولازم أقابلها يعني لازم أقابلها مالنا عذر منها
أي وحدة تقرا مشكلتي تحط نفسها مكاني ولا تبخل علي برأيها ولو كانت مكاني لا سمح الله
ايش راح تسوي؟ أنا في البداية حسبتها تسوي كذا عشان تقهر سلفاتها حريم أخواني لكن حتى لما تزوجت طالتني حركاتها وأنا بصراحة غيورة نااااار
اللي قاهرني ومضحكني في بنفس الوقت إن الأخت واثقة بنفسها بقوة والمشكلة إنها ماهي ذيك الجميلة اللي تجلس تستعرض يعني استغفر الله مدري وش تحس فيه
المهم أدلوا بدولكم يا سيدات وآنسات حواء أنتظر ردودكم
والله يوفق كل من ترد
ماشاء الله عليكم كيف صااابرين تكلموا معاها قولوا لها ياختي استري نفسك عييييييب عليك