تذم في زوجها دعوه الى النقاش النفسيات لايدخلون

بسم الله ابداء مثل ماهو واظح بالعنوان عندي ثنتين من صديقاتي وحده منهم اذا جيت عندها اول مافك العبايه تنزل ذم وشكلوي لا لها اول ولا تالي تشتكي لي منه تقول انه مايطلعها وانه مطلع عيونها ومايخليها تطلع للسوق وانه يكلم بنات ويغازل وجواله كله رسايل وتقول مايأثث لي البيت تقول انه يطلع استراحه ومايرجع للبيت للعلم ماشاء الله جايب لها شقه تمليك تهبل واثاث ومدخلها نادي خيول تتدرب والمدرب رجال انا مالي صلاح في تفاصيل حياتها ولا لي دخل جيت عندها قبل يومين اول زياره لي عندها والله انها مقفله المجالس وجلستني بغرفه على فراش ومخده وقدمت لي الشاي بصحن الرز ويش ذا الاستقبال ماحبت عيالي معاي عشان ماقول البزوره بيخربون طيب خلاصه ذا كله انا ويش دخلني في مشاكلها بزوجها انا جايه عندها ابي اسولف فيه كثير سوالف نقدر نتكلم فيها والله يابنات طول الوثت وهي تقول الناس طقونا عين الناس اكلونا انا والله يبنات طفشت وهي تتكلم ودي اخرج بسرعه وهي تسألني كم راتب زوجك والله عادي قلت لها راتبه فوق العشره الاف ماكذبت ولا قلت بتصكني عين انا سألتها عن شقتها تقول مدري بكم شريناها وتقول زوجي مادري كم راتبه وقعدت تقول ماعرف عننه شي طب انا ويش دخلني في حياتها تحسبني بحسدها لاسمح الله واذا حد جاها وصار فيها شي تقول فلانه من بعد ماجتني طقتنا عين يابنات انا اامن إن العين حق بس هذا مو خوف هذا مرض اسمه وسواس الله يحمينا منه حبيت اقلكم من تعرضت لموقف مثل ذا وكيف تتصرفين من البنات اللي طول الوقت تذم في زوجها بدواعي الخوف من العين او ان الناس بتحسدها انا عن نفسي قررت ماعاد اروح لها الا شي قوي انا عن نفسي كمان مو ناقصني شي حمدلله بس ماعمري تكلمت بزوجي على احد لا بخير ولا بشر وانا اعرف ان الحياه الزوجيه لاتخلو من المشاكل لكن انا احترم الضيف واحترم جيته مانكد على ضيوفي بهرج وسوالف بايخه بالله يابنات اذا انتم بموقفي ويش بتسوون ارجوكم بنات اللي عندها كلام جارح لاتقولي اياه انا قلت للي عندها تجربه مثلي تقول اسفه انا اكتب من جوال وكلامي مخربط اي رد مايعجبني راح اتجاهله وشكرا لكم