طبعاً فكرة موضوعي هذي جات من العضوه الإرستقراطيه💗.
مو بالضبط عن سؤالها الي هو عن المراهق المدخن لالا💗.
التعليقات على هذاك الموضوع كانت مخيفه 😓.
وفيه تعليق رفضت تماماً اني اخلي الموضوع يعدي بدون اتكلم💗📝.
يمكن الموضوع طويل شوي بس جيبي قهوتك واقرئيه💗،طبعاً راح يكون طويل لان المراهقه اكثر من سنه💗.
________________________
اول شيء ايش هو عمر المراهقه؟ :
عمر المراهقه يبدأ من ١٣ وينتهي عند٢١ سنه💗
طيب عمر المراهقه هذا حساس شوي تعرفين ليش؟
لأن العمر هذا يبدأ فيه الطفل انه يتعرف على اشياء اكثر لأن عقله بدأ ينموا اسرع ف يبي يجرب هذا ويجرب هذا بدون مايحسب العواقب او ايش ممكن يصير له او هل راح يضره ؟😅.
المراهق مايفكر كذا اهم شيء يجرب وبس🎯
طيب وين المشكله؟ المشكله اذا ماسيطرتي على الاخطاء الي يرتكبها وارشدتيه في وقت صحيح
ممكن المراهقه هذي تستمر معه طول الحياه😓
___________________
مااقصد طبعاً انه يجلس مراهق طول حياته
المقصد يجلس يسوي الغلط الين ياخذ الله امانته ✋🏻
___________________
يعني مثال :مراهق تعود على انه يصاحب من هب ودب من دون مايهتم بأخلاق الشخص نظرته للحياه معتقداته ، بعد فتره راح يأثر عليه هذا الشيء لان الصاحب ساحب .
__________________
كيف اربي المراهق؟ /
مستحيل يجيك ويقول يا امي انا سويت كذا
لا ابداً الحل :(انك تخففين نفسك مع المراهق وتصيرين صديقته)🏅❤️✋🏻
حتى وانتوا جالسين حاولي تفهمينه اضحكي معه قولي نكت قولي له مواقف صارت معك ،مع الوقت راح تكونين كل شيء راح تكونين صندوق اسراره وراح تكونين امه وصديقته راح تكونين مهربه من نفسه واغلاطه من بعد الله سبحانه🎯📝💗.
النقطه الثانيه :تعزيز الثقه/
اذا كان المراهق قال لك خطأ بسيط هو سواه وسويتي من الحبه قبه بعد فتره لما يسوي غلط اكبر تتوقعين بيقول لك؟
وش الفايده تصرخين وهو جاي يصارحك انه اخطأ يعني هو نادم وعارف .
بس محتاج يتخلص من الخطأ هذا🎯.
________________________
الموضوع هذا ينبطق على الولد والبنت🎯:
بس البنت خليك مهتمه بمشاعرها اكثر من اهتمامك بالبقيه ترا فترة المراهقه تخلي المراهقين عندهم اكتئاب والمرأه اكثر عُرضه للإكتئاب ✋🏻😓.
ولاتميزين بين اولادك بالتربيه!
لاتميزين ابداً بين البنت والولد ترا بعد فتره بتقول البنت في نفسها : انا غلطت بالموضوع الفلاني اكيد ردة فعل امي مارح تكون مثل ردة فعلها لما اخوي قال لها بالنهايه ( هو ولد وانا بنت). 😢
لاتربينهم على مفهوم ان البنت ذليله وبعدها تعالي قولي ليش ماقالت لي❤️.
______________________
المراهق عنده تقديس لكلمة(انا) :
يبي يحسس نفسه بالاستقلاليه✋🏻، عززي هذا الجانب لانه بيساعدهم بعدين في حياتهم في الوظيفه وحتى المسيره الدراسيه💗📝.
لما يجلس المراهق معك ذكريه بالاشياء الحلوه الي هو يسويها 💗، قولي الانجاز الي هو سواه وبعدين قولي (الحمدلله انه رب العالمين رزقني بطفل مبدع)
والبنت مثلاً اطلبي منها شيء تسويه وبعدها اثني عليه 💗.
_______________________
ترا المراهق مسكين توه يتعرف على الحياه عقله جزء منه طفولي والجزء الاخر كبير😓💗.
انتي مثل المرشد السياحي تعرفينه على الحياه💗
جانب ال(انا) حق المراهق الي قلت لك عليه انتبهي تخلينه كبر وتكبر!! لا لا بس خليه يفخر بإنجازاته .
_______________________
حرصي عليه في العباده اذا ولد اطلبي من ابوه مايروح المسجد الا وهو معه .
واذا بنت لاتصلين الا تصلي معك جماعه💗.
______________________
حياة المراهقه صعبه جداً الحل عشان تتجاوزينها بسلام هو انك تصادقين ابنائك وترشدينهم💗📝.
وبس والله💗
صلوا على رسول الله صل الله عليه وسلم
واذكروا الله تعالى💗.
-آنستازيا💗.
المراهق من قارب البلوغ هذا الموجود في كل معاجم اللغة العربية
بمجرد ان تاتي الدورة الشهرية على البنت فهي امراة وتعامل معاملة المراة ذات الخمسين سنة
وبمجرد احتلام الولد فهو رجل يعامل معاملة الرجل ذو الخمسين سنة
بالنسبة للاغلاط والدخان ومرافقة السوء هذا بسبب عدم اطلاع الاب على ابناءه
الام وش تقدر تسوي اصلا لو يولع الزقارة قدام عيونها وعمره ١٤ سنة وش بتسوي يعني؟
في ذا العمر هو جسمه اقوى منها
تربية الام للابناء فقط دون اب يساوي جيل فاسد