تزوجت بإنسان اذنه بس لأهله و معاي و لا شي << مشكلة عضوة بالمنتدى

وعليكم السلام ورحمة الله وبركاته
غاليتي ..
الحمدلله قدرتي انك تمنعي نفسك من مواصلتهم
و قطعتي الشر و ارتحتي
امه زوريها في المناسبات المهمة و لاقصرمده
قدرتي تتوقفي 5 اشهر باصرارك على زوجك
و حققتي ماشاء الله طلبك هذا يعني
انك حتقدري تأثري عليه يعطيك اللي تبغي
و كثر الدق يفك اللحام
انها تصحيك س 10 علشان تطبخي
فضعي جوالك سايلنت و تليفونك افصليه
مع اني لا اتوقع بالرغم من عدم زيارتك لهم الا انها تستمر
في الاتصال !!
واذا كان لازال الحال فأعملي السابق ذكره
زوجك اطلبي منه ..
لا يجيب سيرتهم عندك فما بعدك عنهم الا لترتاحي
من مشاكلهم و تدخلاتهم
حملك باختيارك فطلبها و كلامها مجرد كلام لا يعني نفذي
لا تهتمي لطلباتهم وزوجك .. عليك مثل ما يقدروا يأثروا
تقدري تأثري
و عليك بالدعاء فما حياتنا الا مسيرة ببركة الدعاء
ثم العمل
و لا للحديث معهم او عنهم فقد اخترتي البعد فابعدي
حتى عن سماع اخبارهم و ان سمعتي فلا تردي
حتى لا يصل لهم
و ضعي ببالك مو كل ام زوج او اخت شريرة
الا ان بعضهم جمال و راحة فقط لا نعطيهم اذننا في كل شي
و ان سمعنا خرجنا ما سمعناه من الاذن الاخرى
الحياة الزوجية ليست فقط زوج بل زوج و اهله اهلي
اعاملهم مثلهم فقط اضع حدود للتعامل معهم
كان من البداية لمن تتصل عليك طلبتي منها
لا تتصل و بذوق لتتقبل ردك و ان طلبتي ولم تهتم فافصليهم
و استفسارهم ايش طبختي وايش تغدى سؤال عامي
كثير نسأله حتى لاخواتنا واخواننا
خذي الامور ببساطة معهم و عنهم
و السفر و التمشيات على زوجك
و عليك تليينه و ترغيبه باسلوبك انتي
استعملي معه كيد الحريم وركزي على الرومنسية
و الحب و ايش حتعملي و هنا شوي شوي بيصير
فيه حب الاكتشاف و التجربة و كثفي من الاستغفار
ففيه سعادة و راحة و الله معك ♡

على فكرة مسألة السناب و انك ترسلينه لهم
هذا غلط و اسلوب رخيص يجعلهم لا يكفون عنك
اذا كنتي تريدين الراحة فلا ترسلي و اكتفي بما رسلتي
و يكفيك بركة الدعاء ففيه خير و له نتيجة
لا تقارن بوسائل الاتصال

اللهم إني أمتك، بنت عبدك، بنت أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك سميت به نفسك، أو علمته أحدا من خلقك، أو أنزلته في كتابك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حزني، وذهاب همي
~
سبحان الله وبحمده سبحان الله العظيم

برافو عليك
كملي بالقطاعه
مثل مايقول المثل الباب اللي تجيك منه الريح سده واستريح
ولا عليك اعتبريهم اموات
ولا تتعمدي تقهريهم لانه هالشي مو من صالحك
كل ما زاد عيار القهر بقلوبهم زاد حجم المكائد
الان هم فهمو انك قطعتيهم وانك عايشه حياتك طولا وعرضا
وصلتهم رسالتك
وقفي عن هذا الاسلوب و ترفعي عنهم تماااما
لان اسلوبك واضح مقهوره منهم مااجيكم بيتكم بس اراسلكم سناب .. فهمتيني !
مادام زوجك سكت بالاخر فهو عارف ان معاك حق بس مااايقدر على مواجهة اهله
لذلك كملي و لاتضعفي ابدا
وادعي يكفيك الله كل مافيه شر
و و اذا عندك اطفال عادي يروحو لجدتهم مع ابوهم اما انتي فطنشي
والله يكفيك شرهم ويوفقك 🌹..

في نقطه ودي انزل موضوع لحاله عنها الخير ليش فاهمين البر غلط ودي اعرف يبر اهله ويظلم زوجته وعياله ليش مايعرف يبر من دون ظلم لحد؟! واللي يقهر تلقون هالبار مايدل المسجد البر بس للوالدين بدون صلاه كيف تجي هاذي والمشكله اهله لو اعطى زوجته او اكرمها قامت الدنيا وماقعدت وانت عاق والدين ومانت رجال تمشيك مره
المشكله وين من تفكير الناس قبل او شي سائد بالمجتمع ودي اعرف
قريبتي لها 18 سنه متزوجه ماخلوها بحالها الى الان وزوجها يقول ابر باهلي لاتدخلين بر الام والاب ماتقول شي ايش دخل الاخوان والاخوات بالبر؟؟
صاحبه الموضوع اتمسكي بطريقتس بما انه اذى اتجنبيهم وبرافوا عليس لو ماسويتي كذا ماراح يخلونس تتهنين ابد كل واحد فيهم يلزم حده والله يوفقس