تسكر جرح وانفتح جرح جديد

الله يعوضك

مااعرف قصتك لكن يا اختي لا ترهقين قلبك بشي مضا وراح بخيره وشره أرضى بقضاء الله وقدره هذا نصيبك والمكتوب وقولي الحمدلله انك خرجتي بسلام ومظلومه مو ظالمه وفي ناس تدعي عليك احتسبي الأجر والثواب واهتمي بصحتك ونفسيتك عشانك وعشان أطفالك عوضيهم وكوني لهم سند لا يتعبك الشيطان ويخليك تدورين حول نفسك انتي متعلمين وش مخبي لك رب العالمين أن شاء الله خير ويعوضك ربي ويجبرك جبرا يتعجب له من في الأرض والسماوات ويحفظ لك عيالك واتمنئ منك تدعين لي أن ربي يجبرني ويفرج همي

الله يفرج همك وينصرك ع من ظلمك ؛؛؛)

الحمدالله على كل حال
لكن أنا أعاني الآن من أعراض جسدية وأطفالي محرومين من عاطفة الأب حتى وهو بعبد كأنهم أيتام
واللي يقهر إن طليقي وأهله عارفين إن هذي بتكون النهاية وغامروا فيني وبحياتي حسبي الله ونعم الوكيل
والساحرة سوت اللي تبي فينا

دايم تذكري ان كل اللي مريتي فيه مو مجرد اشياء عبرت وخلاص تذكري كل مر وظلم ذقتيه انكتب لك به أجر.وتخلد اجرك بإذن الله عند رب العالمين هذا يخفف عنك الوجع اللي تشعرين فيه وسلي نفسك بالتفكر بهالأمر.


وتذكري ان هالشي مقدر لك من قبل فلاتشغلين نفسك ب التساؤلات وتذكري ان هالأمر قدر زيه زي اي مرض قدر على الإنسان يبتلى فيه. ولو الله أراد منعه عنك منعه وماتضررتي ابدا مهما حاكوا وكادوا لكن الله شاء ان يمتحنك بهالإختبار .


وبما انه وقع الانفصال فكل اللي عليك انسي الماضي سواء كان سحر مو سحر انسسييه تماما وكملي حياتك ولاتسمحي الأفكار تبعثرك وانتي زي ماذكرتي بديتي تستعيدي قوتك وذاتك فانتبهي لاتعطي الشيطان فرصة عليك .


ولاتفكرين هل هو سحر مو سحر لاتفكرين ولاتدخلين نفسك بدائرة الأمراض الروحية والاستفهامات والتساؤلات.


كل اللي عليك خليك قريبة من ربك واستعيني بتلاوة القران وسورة الفاتحة والبقرة واذكارك وان (مااصابنا لم يكن ليخطئنا) هذا اكبر حرز يحميك الله فيه من كيد شياطين الإنس والجن.
كملي حياتك ورددي على نفسك انك شخص قادر وناجح ساعدي نفسك بكل الوسائل والله لو كان اقوى سحر واشده وانتِ مع القرآن ليبطل بأمر الله.


اما التفكير والاستسلام للوساوس راح يأخرك عن تحقيق أي تقدم وتطور بحياتك وتلاقين نفسك عند الراقي فلان والمفسر علان وتراقبين اعراضك وبتبقين بالدائرة لسنين قداام .
انسي وش عندك واستعيني بالذكر والدعاء ان الله يفتح لك أبواب الخير المعلقة ويسخرلك الأرض ومن عليها ويبعد عنك شر ماخلق.


وخلي ثقتك بالله وحده فقط وبإذن الله بتشوفين الخير والتيسير والنجاح بحياتك.