وشلونكم مع هالاجواء الحلوه والامطار اللهم لك الحمد
اولا هذي اول مشاركه لي بالصور
حبايبي من فتره وانا ودي اسوي تشيز كيك الباي فيلينق بالفراوله لكن ماتشجع لان زوجي مايحب الحلى واخاف انه يطول بالثلاجه والنهايه مصيره الزباله (الله يكرمكم)
لكن قلت بسويه الله لايعوقني بشر واذا طلع حلو انادي جارتي تشاركني
يالله يابنات نبدأ وعلى بركة الله
طحنت علبتين بسكوت وخلطتهم مع زبده وملعقة قشطه ورصيتهم بالصينيه ودخلتها الفريزر
بعدين بدأت اجهز لطبقه الثانيه وهي:
علبة كيري 9 حبات او اكثر
علبة قشطه
و3بيضات
وشوي فانيليا
وفنجالين قهوه سكر
نخلطهم في خلاط الكأس وبعدين نخرج الصينيه من الفريزير ونصبهم على البسكوت
وندخل الصينيه الفرن من تحت شوي ومن فوق شوي الين تتماسك الطبقه مو تحترق انتبهوا مو مثلي انشغلت مع ولدي وصفرت شوي زين لحقت عليها بعدين نخرجها من الفرن
]ونخليها شوي في الثلاجه يعني على الاقل 10 دقايق بعدين نصب الباي قيلينق عليها
طبعا انا مستعجله فصبيت الفيلينق على الطبقه الثانيه وهي حاره و وانخاست علي بس الواحد يتعلم من اخطائه والحمدلله انها ماهي لضيوف
ولاتسألوني عن طعمها والله انها خبااااااااال والله انها تجنن والاهم ان زوجي اكل صحنه كله وطلب اليوم الثاني صحن ثاني اللهم لك الحمد
.
اتمنى منكم ردود تفرح قلبي علشان انزل لكم في الاقسام الثانيه طبخاتي
مثل ماقلت هذا اول موضوع انزله بالصور يعني اسفه على الحوسه
دمتم في حفظ الرحمن00
