حقلكوا على سر أنا عمري ما حبيت التشيز كيك و زوجي العزيز بيحبها أوي و كان دايما عاوزني اعملها في البيت المهم من يومين قلت يللا بلاش اخلي في نفسه حاجة خاصة اني كنت لسة شارية الصينية اللي بتتفك الجوانب بتاعتها و التشيز كيك بتكون ممتازة فيها. المهم بأة اني بعد ما دقتها خلصت نصها :D و دي المقادير و الطريقة:
للقاعدة: كوب و نص بسكوت شاي مفتت "أحب أستعمل بسكوت شاي ديمة"
ربع كوب زبد صفرا طرية
ربع كوب سكر
للكيك:
3 عبوات (12 قطعة) جبن المربعات بالقشطة "مثل كيري"
2 باكو فانيليا أو 1/2 معلقة صغيرة فانيليا خام
3/4 كوب سكر
4 بيضات مفصولين "بياض و صفار"
للوجه:
2 كوب قشطة فلاحي "ساور كريم)
1ربع كوب سكر
ممكن استعمال حشوات التورتة المختلفة أو فواكه طازجة
الطريقة:
1- نسخن الفرن 190 درجة
2- نخلط البسكوت مع الزبده و السكر لغاية ما يبأى عجين متماسك و نفرده في قاع الصينية بالتساوي "يفضل صينية مش تيفال أو صينية بتتفك من الجوانب لأن لو تيفال قولو عليها السلام عند التقطيع :)و تتحط في الفرن 7 دقايق و بعدين نخرجها تبرد
3- نضرب بياض البيض كويس جدا حتى يتجمد "بياخد وقت بس لازم يتجمد"
-4نضرب الجبنه مع السكر و الفانيليا و صفار البيض طكويس لحد ما حبيبات السكر تختفي و يكون المزيج أملس و ناعم..
5- نخلط بياض البيض مع المزيج بحرص جدا
يصب المزيج على قاعدة البسكوت و تدخل الفرن 35 -40 دقيقة
6 اثناء خبز الكيك نحضر الساور كريم بنضربها مع السكر و بعدين نخرج التشيز كيك من الفرن و نوزع عليا كريما الساور كريم و ندخلها 10 دقايق تانيين.
7 تبرد في الثلاجة و تقدم كما هي أو تجمل بحشوات التورتة فواكه
و آدي بتاعتي بس كانت نسخة تجريبية ف مستعملة 1/3 المقادير :D
و دي مقادير كاملة و زينتها بالفراولة الطازجة و صوص الفراولة (حفنة فراولة مضروبة بالخلاط مع ملعقة مربى فراولة و قطرة لون أحمر من ألوان الطعام)
يسسسسلم يدك اختي