هذا تشيز كيك الفرن دايمامعتمد عندنا بالمناسبات و الخرجات
ويتحمل عوامل التعرية حتى الطايف سويته وطلعنا الظهر والصينية بشنطة السيارة ولا صار له شي
يلا نبدأ بسم الله .....
المقادير :
الطبقة الأولى
بسكويت ماري مطحون
نص اصبع زبدة أو ربع كاس صغير زيت
الطبقة الثانية
4 بيضات
علبة قشطة
2 علبة جبنة كيري يعني 12 وحدة
نص كاس سكر
الطبقة الثالثة
مربي فراولة قطع أو عادية ( حسب رغبتك )
الطريقة :
الطبقة الاولى
نعجن البسكويت المطحون بالزبدة أو الزيت ونفرده بصينية
الطبقة الثانية
في الخلاط يوضع البيض + السكر + القشطة + الجبنة ويضرب ضربا مبرحا
بعدين نصب الخليط في الصينية
وندخله الفرن أولا من تحت إلى ماتشوفي أنه انتفخت وجمدت
وبعدين ولعي من فوق وخليكي عند الفرن لأنها بسرررعة تحمر <<مالي صلاح لو انحرقت وقلتي كفكوفه ما قالت لي
بعدين طلعيه من الفرن وخليه يدفى ودخليه الثلاجة يبرد
الطبقة الثالثة
لا برد حطي على الوجه مربى الفراوله القطع أو العادية
وبعدين دخليها الثلاجة شوية
ومن ثم قطعيها قطع صغيرة وحطيها بورق البلسيه
أو قطعيها قطع كبيرة وحطيها بصحون التقديم
وذوقي احلى تشيز كيك سريع
يعطيك الف عااافية