العيد عيد فرحه للمسلمين ومدينة الرياض وامانة منطقة الرياض للامانه ماقصروا صراحه بذلو مجهود يشكروا عليه
وخاصه انها فترة اجازه بالاضافه انه عيد الا انهم رفهوا الناس بوسائل عديده سواء رجال او نساء او اطفال
عروض ناريه ومسرحيات اطفال وعرضات يشكرون على جهودهم لان هناك من يستطيع السفر بالاجازه
وهناك من لا يستطيع هم وضعوا وسائل ترفيه بمدينتنا الغاليه وخاصه لشباب الى هم بحاجه الى مثل
هذه الامور حتى لدرجة ان الزائرين لمدينة الرياض انبهروا من الى فيها ...
بعد هالمقدمه اقولكم وش الى صار ..
كنا طالعين ساحة العروض الي بالمعقليه وكانو ا فاصلين النســــاء عن الرجال النساء لهم مكان مخصص
معزول تماماً عن الرجال بحيث انهم يتفرجون عن بعد وعبر شاشات جلسنا نتفرج يمكن نص ساعه
وبعدين طلعت والا صوت مره عند البوابه يسمعها الى باخر الشارع تهاوش على رجال الامن وتردد انتم
مفرقين الجماعات انتم اخس دوله وتسب وتشتم انا صراحه ما قدرت اصبر قربت لها وقلت عيب عليك
رمضان توه رايح والله يقول اغضضن من اصواتكن ولا هي يمي تهاوش انتم وانتم فيكم وفيكم ما خلت شي
ما قالته بالسعوديه شكلها مستعره من انها سعوديه :eek:
سمعتها تردد انتم مفرقين الجماعات عرفت انها تبي تصير مع زوجها وعيالها ما تبي تكون مع التساء قلت لها انت شكلك
طالبين بالتفسخ والحريات علشان كذا منتي راضيه والا يجيها رجل ن الهيئه والله ما قدر عليها لسانها
يلوط ااذانها وتجمعوا عليها يبون يسكونها مهم قادرين انا الي مسكني زوجي صراحه والا ناويه اتعافر معها
منظر ما ينطاق :mad: <<<<<<< احسن يالقويه
طيب ماعجبكي المكان ولا راضه عنه محد يجبرك تجلسين روحي بيتك بس ما تجلسين تسوين فيها متحضره
وانتي ماعندك اي حضاره ولا تمتين لها بصله
وين زوجهاا ؟؟؟؟؟ كيف يرضى تسوى كذا ؟؟؟
يعني بدل ما نحمد الله على ان هذي ديرتنا نتنكف عليها ؟!!!!
انا من رايي يحطون نساء تابعات للهيئه لان الرجال الهيئه في بعض الحالات ما يقددرون يسيطرون عليها
يبي لها نساء <<<<< ناويه تسجل كراتيه :35:
مع الاسف كل شي متوفر بديرتنا وحكومتنا ما قصروا ومع هذا محد راضي