= تصويت لكل إمرأه متزوجة =

بنات كم وحدة ما تحصل وقت تقعد مع زوجها لأنه مشغول
يعني أحياناً الزوج ينشغل غصباً عليه إما
- يأمن الحياة الكريمة لأسرته
- طفشان من زوجته ومش قادر يتفاهم معاها أو يفهمها
- هو لعاب ومب قد المسؤولية وما يبغي يقعد

مثلاً أنا زوجي جدوله معروف

من يوم الأحد إلى الخميس
الصبح دوام
الظهر رقاد
العصر يخلص أشغاله الخاصة ومشاريعه
المغرب رياضة
المساء قنواته التلفزيونية المفضلة The One - MBC2 - MBC Action

يوم الجمعة الظهر بيت أهله والمسا مع ربعه
يوم السبت أنا
يوم من أيام الأسبوع بس مب الويك إند الولد ... يعني يطلع معاي ومع الولد عشان نلعب الولد

وأحياناً دوامه يتطلب منه حتى الجمعة والسبت يداوم
أو ممكن صبح ومسا
أو أحياناً في إجازات العيد أو اليوم الوطني وغيره

فأحس بغيابه وأتضايق لأنه مب جنبي
بس أكيد صابره لأني عارفة إن هذا الوضع غصباً عليه

منو مثلي؟؟؟

خلونا نتفاعل في الموضوع
وكل ما تشوف وحدة مثلها تصبر على وضعها
وإن شافت وضعها أحسن من حد صبرت وقالت الحمد لله
وإن شافت وحده أحسن عن حالها بتسعى عشان توصل لنفس حالة إختها
وبنستفيد كيف ممكن نهيأ الجو لأزواجنا عشان نريحهم وبالتالي يريحونا

جايز مب عارفه أشرح بس إذا صار التفاعل بتفهمون قصدي أكثر بإذن الله