تطلقت اخيرا ولكن

بنات كيفكم انا نزلت قصتي قبل كنت متزوجه من ٥سنوات او ٤ بالاصح عشت حياه معه بحلوها ومرها شفت منه اللي ماينشاف وصبرت وضحيت علاساس يحس ويقدر صح كان في ايجايبات بس سلبياته اكثر المهم قدرته وكنت احن عليه بس في شي جواتي مب مرتاح له ينكد علي ويظنشني قدام اهله ويسمع لهم ويهيني ويعنني مايقصد وحركاته واضح فيها تربيه الحريم سوت وقالت وفعلت وانسان مهما عطيته مايبني بعينه شي صح حاولت انجح هالزواج واركز بالايجاييات واترك السلبيات وصبرت بس خلاص تمادى هو. بالاخير يبغاني بس امعه لا اتكلم ولا اتناقش حتى لو هو غلط لما حسيت كرامتي خلاص معد يبي يصرف علي ويكذب ويدور علي زله ويكبرها لدرجه يبغاني اتركه وتجي مني وارجع مهره اعوذ بالله منه وفوق كذا يتهمني اني هربت من بيتي واني مابوس يد امه وماحترمها وماهو من حقي اطلع اتمشى خميس وجمعه لما قلت له انت اللي ماتبيني لا انت ولا اهلك ليش طول هالسنوات تسمع لهم وتقلب علي وانا ماطلبت الا انك تحترمني قال انا اعوضك بطلعات قلت حتى لازم تكلمني علاقل تحسسني اني زوجتك ماني مسويه الحرام انا قام عصب ومايبي يطلع هو واهله غلط قال مايبغونك اهلي ولا انا وقام وصلني بنفسه لاهلي وطلعني من بيتي وهرب ويتصل ع اهلي يتشكى مني ومرت ٤ شهور واهله ماتصلوا ولا حاولوا يسالون وش فيه وكلموه اهلي يجي عاد جاء يقل لابوي لها اللي تبي ولما دخلت حسيت انه يكرهني وحاقد علي وقلب علي ويناقض نفسه ويقول لا ماقلت بعطيها حتى كذب ابوي وقلت له ي فلان ترى انا مستعده اتعدل عشانك ونرجع نبدا صفحه جديده بس اصرف علي واعطني حقي قام يقل هي فيها وفيها ماتبوس يد امي قلت اسال امك انا مابوسها ولا ولو قلت لها شي ولاغلطت عليها اسالها قال لا اكيد هم يكذبون عشانك وانا عارفه انه كذاب بس مايبي يبين موقف اهله انهم معاه واصلا ذايم امه متسلطه وتغار وتحرضه هي وبناتها علي المهم قله ابوي مدامك تلف وتدور وماتبي صلح وتنفذ شروطها وهي تتعدل عشانك طلقها انصدم هو وابوي طفش منه قله ي ولدي انت عزيز وغالي بس البنت رضت تسويلك اللي تبي انت ماتبيها خلاص اتركها ماتعلقها كذا المهم قاله ابوي فكر بشروطها وعلمنا وراح لاهله جلس يومين اتصل قال انا بصرف عليها بس ماراح ارضيها وماني مجبور وراح امرها الاسبوع الجاي وهي غلطانه قاله ابوي ارضيها بالشي البسيط والله يوفقكم ويهديكم وكلمها المهم ماتصل علي الا بعد ٤ ايام مرا وحده وكنت بسهره ومارديت وتوقعت بيتصل ثاني ماتصل سحب علينا ورجع اتصل ع ابوي قام يتشكى بنتك ماترد وانا ماراح اعطيها هلله ولاغلطت عليها قاله ابوي تفاهم معها طيب ليش قلبك قاسي تركتها عندنا ٥ شهور وماصرفت عليها ريال واحنا مسامحينك بس ماراح ارجعها لك كذا مدام ذي رغبتها ماتبي تجبر خاطرها قال مالي دخل وانا سويت لها وال؟؟؟؟؟ المهم قاله ابوي تبيها محاكم انت قال ايوه عادي كل واحد ياخذ حقه المهم ابوي زعل منه وقفل ورجع اتصل بعد اسبوعين يقل جيبوا مهري رجعوه ولا باشتكيك انت وبنتك بالمحاكم قاله ابوي روح اشتك بالمحاكم بيجبرونك تنفق عليها والحق معاي واذا طلبوني شي مستعد ارجعه للقاضي المهم مرت الايام تقريبا شهر الا مرسل لاخوي انه طلقني ومافي نصيب المهم لما وصلني الصك انصدمت انه مطلقني من اخر اتصال كلمه ابوي فيها وماعلمنا الا بعد اسبوعين واتاريني قد مر شهر من العده وانا مدري اني مطلقه ماحكي لكم عن القهر والغبنه من كلشي والله بكيت انه باعني برخيص وماسويت له شي بس كسر قلبي واهانني ونسي كل وقفاتي معه وصبري وجازاني بالجحود والنكران وكمان انقهرت من اهله اللي ياما قالول له عني وفرقوا بينا ولما صارت مشاكل معه اختفو من الوجود ولا قدروا العشره وصبري عليهم وانقهرت اكثر ع شقتي واستقلالي وعالمي الخاص كنت احب حياتي بس هو خرب كلشي وبنفس الوقت فرحت انه طلقني وارتحت منه ومن النكد ووجع الراس بس والله ماكذب عليكم جاني توتر عصبي وارهاق من صدمتي فيه وباهله توقعته يحبني وشاريني لان احيانا كنت احسه يحبني ومايرفض لي طلب وكريم ويطلعني واحيانا احسه مايعرف يتصرف ويقلب علي ويسمع من غيره بس الحمد لله ع كل حال انقهرت بعد انو المفروض انا اتركه لانه ماينطاق بس اللي يقهر انه هو تركني ومايبغاني ومبين انه انا مانطاق ومو كفو ومقصره وهو العكس