تعآلو أسمعوا قصتي بعد ماكبتها بقلبي كل هالسنين ... فضفضه ..

السلام عليكم ياحوائيات:
شخباركم !

أنا(أرواح خذلتني ورحلت) فيه غلط في التسجيل كتبت (خذلتها) وكنت أقصد (خذلتني)
على العموم أنا من المتابعين القدامى لعالم حواء :)

أبطرح عليكم مشكلتي وأتمنى إن المشرفات مايحذفونها

(لأنو أبغى مساعدتهم وكلماتهم الصادقه وتشجيعهم لي بليز لاتحرموني من منهم )

عذرا نزلت موضوعي عن طريق جوالي حفاظا على خصوصيتي أكثر لإني ماأبي أحد غيركم يعرف مشكلتي ...

أنا فتاة أبلغ من العمر 20 سنه من عائله ملتزمه ومعروفه ولله الحمد أخلاقي عاليه أحترم الناس وبشوشه وأجتماعيه وبشاهده صديقاتي ومعلماتي إلي يشوفني يقول ماعندي مشاكل أبد ... لكن للأسف مشاكل الدنيا فيني فأنا للأسف من وين كنت بالمتوسط أمارس العاده القبيحه .. أتركها شهور وأرجع لها واستحقر نفسي وضميري يأنبني ... قريت كثير عنها وكيف التخلص منها وأضرارها لكن كان كله كلام يؤثر فيني فتره وبعدين أرجع ... لكن اليوم قررت قرار بإذن رب السماوات والأرض ماراح أتراجع عنه قررت أتركها ......... بعد ماقرأت موضوع لوحده الله يسعدها ويرزقها الزوج الصالح .. خلاص بإذن الله بتركها بعد ماتعبت وسببت لي آلام وتأنيب الضمير والبعد عن الله وترك الصلاة ...أمس قريت أن لازم أغتسل غسل كامل بعد ماتسوين العاده القبيحه ...
<أرتعت يعني صلاتي كل هالسنين ماقبلها ربي وقسم ضاق صدري أمس وطول عمري عايشه ع تأنيب الضمير... ياه ذبحني وطول عمري خايفه إن ربي يقبض روحي وأنا ماتركتها خايفه أموت وأنا مفوته صلوات خايفه أموت وأنا ماقدمت شي لأخرتي آه.ساعدوني وش أسوي نفسيتي جدا جدا سيئه ماأحد يدري عني ماأحد قد فضفضت له هالكلام ساعدوني تكفون لاأحد يجرحني بكلامه ...
بنات صح أنا مذنبه وأنا عاصيه بس تتوقعون ربي يغفر لي بعد هالسنين !!
تتوقعون ربي بيغفر لي بعد مامارست العاده القبيحه ...
بنااات أنا والله أتمنى أتزوج زوج حنون يعوضني عن حنان أمي
على فكره أمي ماعمرها ضمتني ولابينت لي حبها لي ولاخافت علي بس تحب خواتي وأخواني لاتقولون مافي أم ماتحب عيالها بس أنا حاولت بكل الطرق أنها تحبني بس ماقدرت مع أني أكثر وحده أمي تكرفني بالبيت وتعتمد علي بس مااااتحبني وهي قالته بنفسها ) ....
وأتمنى بعد طفل أضمه آه بس أموت ع الأطفال أحبهم وودي أتزوج بس خايفه أنا عصيت ربي وأخاف يحرمني من الزوج والطفل بسبب عصياني ...
آه بس إذا سمعت وحده كبري متزوجه يضيق صدري ليه أنا ماأتزوج !! بعدين أتذكر المعصيه إلي أسويها وأسكت ...

تكفووون ساعدوني في مشكلتي أنا تعبانه حيل منها... وأدعو لي أتزوج تكفوون .. وأرزق ببنوته ..


نصيييحه كبيره اتركو العاده والله سببت لي النسيان وضعف البصر وألام حاده إذا جتني الدوره وظهري وكل شي أتركوها أتركوها نصيحه من أخت محبه لكم...