تعالوالله يفرج كربكم شوفو قصتي انا الحزينة

السلام عليكم ورحمة الله وبركاته

أخواتي في الله حبيباتي في الله

ماعندي احد استشيرة خواتي اصغار وقلت اشوف خواتي في الله في منتدانا

الغالي

يعطني رأي سديد وحكيم ابدخل للقصة على طول لأني هذي ثالث مرة

أكتب وينمسح

لأن الأتصال عندي ضعيف .

خواتي انا متزوجة من 15خمسةعشرسنة في بداية زواجي كنت صغيرة في

السن

وتعلمت من حياة امي الصبر ثم الصبر فأبي تزوج عليها وأهانها وتحملت كثيراً

علشاننا انا وأخواني

صرت أصبرعلى زوجي بأشياء لايتطلب مني هذا الصبر فكان زوجي في

البيت فقط للنوم والأكل

إذاكان هناك لدية وقت فراغ فهو من حق الأستراحة والزملاء وكان يمنع

التلفاز في بيتي قبل خروج

قناة المجد وكنت أقضي الوقت أشتغل أو مع الجدران ليس لدي اي وسيلة

وكان هو يرفه نفسة

في المسلسلات ولعب الورقة مع زملائة وكان عصبي بشدة ينتقد اي شي

أقوم به يكره طبخي

ويمدح طبخ سلفاتي حتى مكياجي بشهادة غيري يقولون افتحي مشغل

كوفيرة فقريباتي في الزواجات

يذهبن للكوفيرة وانا اصلح نفسي ويقولون والله ان شغلي أحسن من

الكوفيرة لاكن هو يسب مكياجي

ويمدح مكياج سلايفي وأقولة انت كنت تويق عليهن بالأجتماعات يقول لا

أشوفهن بالصدفة في بيت أهلي

حطمني صرت إذاجيت أتمكيج له أتذكر كلامه وأهون حتى أولادي يقولون يمة

ليش ابوي يتصرف كذا

يعتب عليهم كل شي يبغى يصيرون مشايخة وهم أعمارهم 6سنين و8

سنين تخيلو مرة مسكهم وهم بهذا

العمر وضربهم بسلك الشاحن علشانهم ماقرأو سورة الكهف لاتقولون

وشلون الي عمرة 6سنين يقراء

كان متعلم القراءة في الحلقة من عمر 5 سنين والله احترت من عيالي

مادري وش أقولهم إذا سألوني عن

أخلاق ابوهم ليش كذا يتصرف يعني إذا قالو بابا ودنا اليوم ننبسط ونتنزه يقوم

يهاوشهم ويقولهم أعقلو

خلكم رجال انا يوم كنت اصغير كنت رجال ويشد فيني الظهر تخيلو ابني

الصغير من عمر 5سنين يخليه يقوم

غصب ويصلي الفجر بالمسجد وأحياناً يكون برد وإذا تأخر يضربهم وهم صغار

وبنتي عمرها 4سنين اذا لبست

في البيت لباس طالع ذراعها يمسكها ويضربها بقوة مع العضد وإذا نصحته

يسويها مشكلة كبيرة

وأني ماأفهم مع أنه مدرس وتربوي بس التربية بطريق وهو بطريق كأنه يتعامل

مع حيوانات

هذا كله كوم وخيانته لي مع بنات النت وبنات الجوال كوم ثاني صدمني

صدمات قوية بخيانته لي

خلاني ماأستطعم بشرب الماء ولا النوم صرت ابكي من كل قلبي كنت دايم

أقرأء بالنت زوجات

يطرحون مشاكلهم مع أزواجهم مع الخيانه وكنت أقول الحمدالله انا ابصبر

على حماقة زوجي

وعصبيته وشدته مادامه مايخونن وجيت وعرضت هنا نفس المشكلة ماكنت

اصدق

الي يصير والله اني احس انه حلم وانا صاحية أصيح أقول يارب ان اي انا فيه

حلم موحقيقة

واكتشف انه حقيقة وأبكي من كل قلبي بس لايروح فكركم بعيد يعني علاقة

بس بالكلام

ماطلع معهن بس تعذبت الله لايوريكم الي شفته مع زوجي انا مالأقي منهة

الا أهانات وتجريح

وكلام وصخ وبنفس الوقت متشدد علي يخليني البس مداسيس بالسوق ولو

ابشوف بضاعة

رفعت اشوي من نقابي سبني وسمعني كلام وصخ واني رديئة وخسيسة

والله يابنات ماعندي

نوع من الجزمات ومتقطعات من قل ماأدخل للسوق بطلاعة الروح أروح

للسوق واهل زوجي ماركات

وكل لبسة له جزمة وساعة وانا زوجي أحسن منهم راتب لاكن مافيه بركة

في أمواله ذايم يشكي

مايهتم بنفسة ولا لبسة مايحترم احد ابد وأقوى صفة فية دايم سيء الضن

بي وبعيالي

ويبغاني أعيش عيشة أمه وجداته أذا قلت له شي راح يضرب المثل بحريم

زمان مو مقتنع ان كل شي تغير

تخيلو انا بعت ذهبي وأشتريت غسالة ملابس توماتيك لي بفلوسي ويقولي

وشوله غسلي بغسالة عاديه

وانا حامل وعندي أطفال وتعبانه يعني مستحيل أفكر بالشغالة وبنفس الوقت

يروح يشتري غسالات

تزماتيك ثنتين لأقرباء له تزوجو جدد يعني ماعندهم أطفال مايحتاجو توماتيك

دايم احس انه بنظر للنساء

بنظرة شفقة ورحمة وعطف وان الحريم ضعيفات وانا بالعكس يحب يستنفذ

كل طاقتي في بيته ويحس اني

ماعندي أحساس ولا مشاعر وكل هذا وانا مستحملة وصابرة وهذا الي خلاه

يتمادى بأهانتي

كل رمضان يجي يومياً كل ارمضان فطور له ويتشرط فطور لأهلة في مطبخ

مافيه مكيف ولا فيه كلمة شكر بعد

التعب بالعكس ينقد كل شي ويحسسني اني فاشلة في الطبخ والله يابنات

اني بشهادة غيري طباخة وكل شي


أسوية ياخذون أهلة طريقته والله يابنات اني ماأفرح برمضان بعد زواجي فهو

بالنسبة لي طبخ وكرف

وسب وشتم ونقد وليش بعد هالنقد والشتم ماتتجملين وتجين عندي

بالغرفة ونفسيتك زينة وهو الي حايسها

تصدقون اروح لأهلي متأخرة بعد ماأخلص من المطبخ اقعد شوي عند اهلي

ويجي

يشيللني يوديني للبيت علشان هو مايبغا يرتبط فيني ويبغى اذا بقى شوي

على صلاة الفجر

يجي ويلقى سحورة جاهز ولازم السحور كبسات وتفنن تعبت يأخواتي وكبرة

المسؤلية علي وهو فقط

للتجريح والتدقيق ولي أسبوع وانا قايمة بكل حقوقة وانا مسكته مالي نفس

أكلمة ألا للضرورة

كل أقاربي سافرو بهالعطلة وانبسطو وخلصو مقاضي رمضان ولبس العيد وانا

واعيالي مكانك سر

متفرغين للمشاكل بعدها زعل هو وراه ماأصير هبلة يهينني وانا أضحك

وأجدع وراء ظهري

يبغاني مثل الجدار ماأحس بشي زعل علي وراضيته امس ورفض وعطاني

ظهرة

واليوم اعيالي قالو لبوهم ودنا عند خوالي ورحت لبيت اهلي وهو مايكلمني

قال

للعيال إذا بغيت ترجعون ارجعو مع خالكم يعني ماعنده طاري انه يرجعنا

وانا طاقة كبدي منه خلالالالالالالالالالالالالالالالاص تعبت من حياتي معه

وصعبة علي انا واعيالي اني اجي واجلس عند اهلي او أصارحهم بمشاكلي

صعبة بقوة لأن حالت اهلي ماتسمح اني اجي واجلس عندهم

تكفون يابنات انصحو اختكم عطوني حل تكفون يابنات ادعو لي

وساعدوني :44:وانا حاولت اكسبه بس طبعة شين

مادري اروح لبيتي او اجلس عند اهلي وأخربها