سلام عليكم و رحمة الله
تدرون
أكيد كلكم تمر عليكم مثل هذي اللحظات
تحسون بالقرف من الدنيا
و تحسون انها تافهه و ما تسوى
مسؤوليات و ركض وراها
تحسون ان الدنيا تغيرت
و ان الاهتمام فيها صار كبير
يمكن انت ايها الرجل تحس ان القرض و الديون اثقلت كاهلك بمجرد التفكير فيه أو حتى أنت أيتها المرأة
احيانا البنت مثلي تجي لها فترات ضيق
لانها تبغي تتزوج و ترتاح الله يرزقنا جميعا
و يكون طول اليوم تفكيرها عرسي قريب عرسي قريب و تتخيل حتى كيف تكلم زوج المستقبل إن شاء الله
طيب
ليش هذا التفكير السلبي كله
و الله يحرقني اكثر شي
اني اضيع وقتي في دنيا و اتحسر عليها
و ما اتحسر على شي من الاخرة اللي ضاع علي
ليش ما نبدل التفكير الايجابي
طيب الديون خلاص ان شاء الله ربي يحلها و ربي وعد بالرزق و انت ماكل شارب ما شاء الله ما شي ناقصك انسى القسط الي ياخذوه من راتبك و احمد ربك على النعمة و على السكن
ليش نفكر بسلبية
و ليش ما نعيش حياتنا باستقرار
نقول الدنيا فيها فساد و تخوف
بس ما شاء الله تبارك الله
الدين انتشر بقوة
و الناس صارت عندها وعي اكثر
حتى الاعلام اسلامي
قبل كنا ما نفتح التلفزيون
و الحين ما شاء الله كل بيت فيه تلفزيون
عيش حياتك مرتاح
لا تحاتي الا دينك
و لا تزعل الا على دينك
لا تتضايق من غلاء الاسعار ( مع اني و الله اتضايق )
اقصد لا تكدر خاطرك بهذا الشي
بس ازعل لو فاتك فرض صلاة
لو فاتك درس
تصدقون بقولكم شي
قبل كم يوم
ما كان عندي لبس لحفل زفاف اقاربي
قعدت طول اليوم افكر
شو البس
شو البس
فتحت الكبت كم مرة
ما حصلت شي مناسب
استشير اللي عندي شو البس شو البس
بعد الصلاة افكر شو البس
تصدقون كرهت نفسي
لهذي الدرجة ازعل ان ما عندي لبس لحفلة و لا ازعل من تقصيري في ديني ( بس الحمدلله سرت السوق بعدها )
يعني لو فاتني شي في ديني
هذا اللي لازم ازعل عليه
و رمضان اكبر فرصه ( اللهم بلغنا شهر رمضان و اجعلنا من المقبولين )
خلونا نفكر في شي يصلح لنا اخرتنا
و ينور لنا قبرنا
نجهتد في القرءان
و نجتهد في الطاعة و الدعاء
نبغي الجنة و ما نعمل لها
و كاننا خلاص واثقين من اننا بندخل اعلى الجنات ( نسأل الله أن يرحمنا و يجعلنا في أعلى جنات الفردوس الأعلى ) بدون اجتهاد و لا عمل و لا هم
ما همينا اننا نبغي المراتب العليا في الجنة
و همينا الدنيا
ادري طولت عليكم
بس افكار و خواطر
الله يصلح قلوبنا و يهدينا و يستر علينا دنيا و اخرة
كلمة اخيرة
اذا انت أتى الليل
و شعرت انك أرضيت ربك و والديك و ذاتك
ستنام قرير العين ..
يلزم عليك تسجيل الدخول أولًا لكتابة تعليق.
جزاك الله خيرا
كلام صحيح مية بالمية
ياليت نتدارك اعمارنا قبل فوات الاوان
ضيعنا عمرنا في دنيا زائلة وليتنا ضيعناها في طاعة الله الى في متاع الدنيا
الله يرحمنا ورحم حالنا
كلام صحيح مية بالمية
ياليت نتدارك اعمارنا قبل فوات الاوان
ضيعنا عمرنا في دنيا زائلة وليتنا ضيعناها في طاعة الله الى في متاع الدنيا
الله يرحمنا ورحم حالنا
الصفحة الأخيرة
يا ليت اللي في خاطرك يكون في خواطر الناس
كان الدنيا من جد بخييييير
أنا أشد على يدك على هذا الموضوع
ممكن تقراه وحده ضايقه فيها الدنيا وتحس بأنه ما في شي يستاهل
لآنه كللللللللله راااااااايح
عمل الانسان هو اللي باقي له
وعجبتني اخر كلمه في موضوعك
اذا انت أتى الليل
و شعرت انك أرضيت ربك و والديك و ذاتك
ستنام قرير العين ..
فعلا أختصرتي بحور من الكلام في عباره رائعه
جزاك الله خير الدارين