تعالوا شوفوا الموضه في الماركات !!!!

السلام عليكم ورحمة الله وبركاته
جيتكم بعد غيبه
طويله وانا كلي شوق لكم والله يجمعنا على الخير يالغاليات
بصراحه وبدون مقدمات مابي أحد يزعل من كلامي لأن هذي وجهة نظر واللي لها تعليق أتمنى تفكر ميه وستين مرررره في نفسها وتجاوب علي
بصراحه أسمع كثير من البنات ماهمهم الاالماركه ولبس الماركه وشنط الماركه انا معكم لازم اشتري الشي المناسب والنوعيه الممتااااازة أوكيه المكياج وادوات التجميل طبيعي بيكون ماركه واللبس أحيانا يكون ماركه أما الشنط بصرااااحه مالها داعي 1000 و800 و600 والله حرااااام واقولها بالفم المليان خافوا الله الشنط ماراح تعمّر في هالدنيا والوحدة طبيعي من فترة لفترة بتغير الشنطه تبي لوك جديد بس والله أحسها نوع من التبذير وانتوا عارفين المبذرين أخوان الشياطين حيث يقول الله تعالى: {إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا}.
وقوله جل وعلا :{وَأَصْحَابُ الشِّمَالِ مَا أَصْحَابُ الشِّمَالِ * فِي سَمُومٍ وَحَمِيمٍ * وَظِلٍّ مِنْ يَحْمُومٍ * لا بَارِدٍ وَلا كَرِيمٍ * إِنَّهُمْ كَانُوا قَبْلَ ذَلِكَ مُتْرَفِينَ}. وكذلك فقال تعالى: {وَلا تُسْرِفُوا إِنَّهُ لا يُحِبُّ الْمُسْرِفِينَ}،
وقوله سبحانه: (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاما)
وحبيبنا المصطفى صلى الله عليه وسلم قال
: "كلوا واشربوا وتصدقوا والبسوا ما لم يخالط إسراف ولا مخيلة" (رواه أحمد والنسائي وابن ماجه).
اخواتي
يعني بعد كل هالايات والاحاديث وماتغير فينا شيييي
رزقنا الله من الطيبات، وأمرنا سبحانه بالاعتدال في المأكل والمشرب والإنفاق، ولكن يغيب عن بعضنا ضرورة ترشيد الإنفاق، وعدم التبذير فيما حباهم الله من أموال ورزق؛ إذ يظنون أن المال مالهم، ولا ينتبهون إلى أننا سنحاسب يوم القيامة عليه مرتين "... من أين اكتسبه وفيما أنفقه".
أتمنى من الله العلي القدير كما جعل هذه الموضوع نابع من القلب ان يصل إلى قلب كل وحده أنغرّت وأنجرّت لمثل هذه الماركات وأن تفكر قبل أن تصرف لأنك يأختي الغاليه طالعه من هالدنيا بسسسس ((((((( بكفن ))))))
والله موجايه الشنطه الفلانيه والا الجزمه (الله يكرمكم )الفلانيه والا الاكسسوار الفلاني شفيع لك بقبرك والله ماتلقين ألا أعمالك اللي عملتيها من زين وشين فياليت كل وحده بدل ماتنفق مالها في شراء الماركات تخصص بمبلغ تتصدق وفيه وتكفير لها من التبذير أعانني المولى واياكم لما يحبه ويرضاه وصلى الله وسلم على سيدنا محمد