السلام عليكم ورحمة الله وبركاته ,,
اخواتي بالمنتدى يعلم الله ماكتب لكم قصتي الا وانا صادقه محتاجة لدعوة صالحه بظهر الغيب وكلام يخفف علياا
والله قصتي هي اصعب شيء لمن البنت تكتب وتشتكي من اقرب الناس لقلبها وهي " امها " المفروض تشكي لها مو عليها لكن والله يابنات ربي يشهد امي تعبتني ودمرتني نفسيا بكلامها الجارح لي كل فترة تدعي علياا الله لايوفقك لادنيا ولا اخرة طول مانتي عايشه فالدنيا وكلام الله يعلم فيه واخر موقف كان امس جاتني صديقتي زيارة والبنت والله بنت حلال بس زراتني وتسال عن امي تبغى تسلم عليها والله ماعرفت اش اقولها امي رفضت تدخل تسلم عليها وجلست تدعي عليا وتخاصم بصوت عالي ماتبغى احد يزورني مدري ليه والبنت فالغرفه تسمع كلامها والله يابنات ربي يشهد اني لحظتها دموعي نزلت من القهر لانها امي مهما كانت وتدعي تقولي لعلك ماتتزوجين طول عمرك ان شاءالله وانتي محد يتزوجك ومن هالكلام الجارح اللي والله محد يتحمله والبنت تسمع والله اني دخلت عند البنت ودمعتي بعيني ماقدرت اسولف معها ولا اضيفها زي الناس والسبب أمي ,,ويعلم الله اني احاول ابرها باي طريقه بس امي ماتساعدني على برها دايم محسستني اني عانس عندها ماتتحملني لمن تقولي متى ربي يفكني منك ,,وقبل فترة انخطبت وتغيرت معاملتها شوي معايا وفرحت تقول وافقي فكيني منك قسم بالله وقتها بكيت من القهر امي ويطلع منها هالكلام وقدر الله وقف الموضوع طول لسى ماصارت خطبه رسميه ,,وتغيرت امي عليا من جديد وصارت تخاصمني وتهزئني وتجرحني بالكلام انتي محد يبغاك انتي الله مو موفقك وانتي وانتي ,,,احرجتني,قدام اخواني واخواتي فالبيت واحيان والله هالكلام قدام حريم اخواني ,,يشهد الله يابنات مع هاليوم اني احاول قد ما اقدر اتحملها وابرها بس المشكله كلامها الجارح والله يذبحني ودمرنفسيتي جدآجدآ وصرت ابكي من اتفه الاشياء,,والله ماكتب لكم بهالمنتدى الا لاني خلااااص تعبت ابي احد يخفف علياا ويريحني لاتنسوني من دعوة بظهر الغيب ربي يرزقني بالزوج الصالح اللي يسعدني ويفرح قلبي بعد كل هالسنين والله يابنات اني بالرغم ان عمري 30 سنه لكني عمري مافكرت بالنصيب مؤمنه بالله اذا لي نصيب بيجيني ومحد بياخذه غيري رزقي بيجني وين ماكنت ,,بس اسلوب وتعامل امي معاياا والله خلاني صرت اتمنى بس لو اخذ شايب وارتاح من التجريح ,,
والله اني تعبت تعبت تعبت قد الدنيا ومافيها وهالشيء اثر على نفسيتي وشكلي وحالتي مايعلم فيها الا الله والسبب اقرب الناس لي امي والله اصعب شيء فالدنيا لمن البنت تشتكي من امها لكن ماقول غير يارب يحفظها لي ويهديها يارب تهديها ويحنن قلبها علياا ,,الله يسعدكم لاتنسوني من دعوة صالحه بظهر الغيب يشهد الله ماكتبت لكم الا لاني اتمنى دعوة بظهرصالحه الغيب ,,
مشاعر ولكن @mshaaar_olkn
عضوة جديدة
يلزم عليك تسجيل الدخول أولًا لكتابة تعليق.
ام أسامه 2013
•
لله يفرج همك
الله يفرج همك ويسخرلك امك شوفي اختي مهما كان هذي امك لازم تتحملينها حاول انك تجلسين معاها اذا كانت هاديه وتفهمينها باسلوب حلو يامي ياحبيبتي كيف تبغين ربي ايوفقتي في امور حياتي وانت تدعين علي ياميمتي الله يخليك لي استغفري وادعي ان الله يوفقتي واضربي لها امثله شوفي بنات افلانه امهم تدعيلهم عشان كذا ربي وفقهم ترا كثر الدحلسه تجيب نتيجه واذا مافيه نتيجه خلي احد من اخوانك ايكلمها وصدقيني قلب الام حنون مهما قست عليك بالكلام بس شكل احد ماثر عليها بالذات من ناحية الزواج وترا كل شي قسمه ونصيب ..اسئل الله عزوجل ان يسخر قلب امك لك ويرزقك برها
لله يفرج همكلله يفرج همك
ياقلبي ماعندك الا الله عز وجل التجئي له قومي الليل وتقربي من الله وادعي من قلبك ان ربي يحنن قلبها عليك حاسه فيك لمن يكون التجريح من اقرب الناس تذبح بالذات الام بس حاولي انك ماتقصرين معاها من ناحية البر اسأل الله العظيم ربي العرش المجيد ان يصلح حالك ويرزقكك بالزوج التقي اللي يخاف ربي فيك وويحنن قلب الوالده عليك
يا قلبي طنشي كلامها الجارح وخليك فاكرة ان رضاها من رضا رب العباد
واجلسي معاها كلميها وحنني قلبها واخدميها وكوني انتي السباقة في مساعدتها
وادعيلها ان الله يهديها
ولا تنسي انتي صبرتي وان الله مع الصابرين
وان شاء الله ربي يرزقك بابن الحلال اللي يسعدك ويعوضك عن كل صبرك
واجلسي معاها كلميها وحنني قلبها واخدميها وكوني انتي السباقة في مساعدتها
وادعيلها ان الله يهديها
ولا تنسي انتي صبرتي وان الله مع الصابرين
وان شاء الله ربي يرزقك بابن الحلال اللي يسعدك ويعوضك عن كل صبرك
الصفحة الأخيرة