تعالوا صوتوا لمحمد فهد ** موخااااااااا

تفاجات اليوم وطبعا مو غريب على هالجريده ( جريدة الحياة ) انها تكتب هالموضوع حيث قرات مقالة لصحفية تدعى انها من السعودية اسمها رنيم القبج حيث تسرد لنا حكايا عن محرر فلسطين محمد فهد وكيف ان اتخذ السعوديين موقف ضده بالظلم وهو ابن بلادهم السعودى ولابد ان يقفوا بجانبه بعد ان اخرج منافسه السعودى وبذلك استفز مشاعر السعوديين وتحداهم وبعد هذا تجدها تسرد لك اعذار لمحمد فهد وموقفه وبطولاتها وكيف انه المسكين تفاجا برد فعل مواطنيه وعدم تصويتهم له مما سبب له الحرج اما المشاهدين وكيف لا ونحن اهل الخير والفزعات كيف نترك ابن بلادنا طيب الذكر محمد فهد وكيف انه طلب الخروج بنفسه من الاستاذه مع تحفظى على هذا المسمى للعاملين بالاكاديمية من نباحين ×××××××××× وعذرا على اللفظ وليس اساتذه وبعد هذا تكتب قائلة هل يغفر السعوديين لمواطنهم محمد فهد ويعيدونه للمنافسة ( وهى بهذا تستفز مشاعرالقراء وخصوصا من الشباب وتفعيل حماسهم الوطنى كى تستفيد اكايمية رولا من المال المخصص للتصويت ) وتكمل ام ان مشواره في الاكاديمية سينتهى بنهاية الاكاديمية ؟ السهرة التاسعة ستحمل الاجابة ( وهى بذلك تؤكد على تأجيج مشاعرهم ووطنيتهم للتصويت بكل وقاحة مثيرة الشباب بانه لن يبقي لهم مرشح في برنامج تخريج العباقرة والعلماء ستار اكاديمى
للمعلومية فقط ان جريدة الحياة من المعلنين الدائمين لبرنامج lbc وان تغيرصيغة الاعلان هذه المرة باسلوب قمة في الانحدار وبجعله من صيغ المقالات وجعل كاتبته سعودية اولا بغض النظر عن كرهى للبرنامج مع انى اتابعه نادرا للامانة ولكن ماهى فائدتنا من الموضوع ويطلع ستارهم سعودى والا حتى يهودي احنا ايش لنا دخل عينى عينك تبون دراهمنا هذا غير الفتن والمشاكل اللى يسببها البرنامج والحساسيات اللى تبدا برسالة مجهولة مذيلة بالاخير باسم بلد خليجى ضد اخر ومصدرها الاساسي هو كنترول الاكاديمية وهل لنا الشرف بان يمثلنا باي محفل كان بغض النظر عن ماهيته ان يكون مرشحنا هذا الضائع المتأمرك شبيه مايكل جاكسون مااقول غير خسارة عليه اسمه حسبي الله ونعم الوكيل فيهم ضيعوا شبابنا وبناتنا وضيعوا دراستهم ووقتهم ودراهمه بهالخرابيط ولى رجاء من كل عضو او عضوة في اي منتدى اخر ان ينشر ويطلب من اى شخص يعرفه بان لايصوت لاى شخص في هذه البرامج الماجنه كي لايتحمل وزر احد ولايساعد احد على الرذيلة وخصوصا لشبيه مايكل *موخا *
ولانريد منه ولامن غيره تمثيلنا فضحنا حسبي الله عليه اجل وش خلى للغرب اذا هذا سعودى كيف بتصير فكرة حديثي الاسلام والمسلمين في الغرب عن ابناء مهبط الوحى وهذا ولدهم ولاتقولون ماياثر وانه يمثل نفسه لاوالله اخوانى ياثر ويجعل للحاقدين علينا مخرج مااقول غيرالله يهدى ضال المسلمين ويرد كيد اليهود والنصارى والكفرة في نحورهم ويكفينا شرهم بما شاء لذلك رجاء ابتعدوا عن هالخرابيط واحفظوا فلوسكم لكم انتم اولى وياريت تنشرون الكلام هذا في كل مكان وتنصحون المتورط بهالبرامج والله يسعدكم