تعالوا كلكم هزؤني ...

السلاام عليكم ورحمة الله وبركاته....

طبعا انا عضوه جديده ومتابعه لكم من سنتين اواكثررررر

انا بقولكم لي قصتي وابي وحده تهزئني مدري :44:


آنا تزوجت من حوالي سنه و9 شهور طيب تزوجت وانا تقريبا تارسه عودي على قولتهم...

وبعد الزواج :44: اخذت في زياااده ولاحسيت بنفسي الا اني صرت سمينه وطويله انا ماشاء الله فشنو صرت عالميه هع

وثاني حاجه اني حرمت من الانجاب بسبب السمنه :( انا قبل ست اشهر سويت فحص انا وزوجي ولافيني ولا شيء ولاحتى زوجي يعني السبب كله مني انا وانا آكابر اذا احد قالي ضعفي وتحملين ازعل ولااتخانق مع اللي يقول لي


آنـا حاليا اتعالج اخذ منشطات وزاد الطين بله صادتني قرحه في الرحم هذا الشهر وعطاني موعد عشان اسوي لها كي:44:


آنـا طولي 170 وزني 100:44:

ابي حد يشجعني وخلوني معاكم بليز انا ابي اطفال ماعاد اتحمل اختي تزوجت بعدي وحملت والحين بتولد وخالتي نفس الشيء تزوجت بعدي والحين بتولد واللي تزوجت معاي ولدت وبنتها عمرها 5 شهور

وزوجي تجي له ايام يبكي من حرمان الذريه:44:

وآنا افكر انا اشترك في نادي بس خايفه اكسل وخاطري اشتري سير امشي عليه شرايكم شسوي؟

:(