تعالوا نتذكر بداية الزواج...

السلام عليكم ورحمة الله وبركاته
ياحلوات نبغئ نسولف ونتذكر بداية الزواج ايام البرائه والحيا والانصات عن اشيا سويتيها وكل ماتذكرتيها ضحكتي عليها او استغربتي كيف صارت
اول شي بسم الله ...اببدا بنفسي كنت حامل ومعاي ولد سنتين وبنت سنه وكم شهر وتعبانه وحالتي مايعلم فيها غير ربي قال زوجي عندي اجازه بنروح ينبع طبعا انا لست من عشاق السفر
تعبانه ومااحب السفر.. مدري كيف رحت
المهم مشينا الصباح ووصلنا ع اذان الظهر ويوم دخلنا الفندق قفل علينا الباب وقال ابروح ادور مسجد اصلي ...كيف خليته يروح الله اعلم المفروض يصلي عندنا..هذي اول استغراب
لما جا من الصلاه قال ابروح اجيب غدا سمك وراح وانا انتظر وتاخر وبدا الخوف يتسلل الئ قلبي هههه
وجا علئ اذان العصر يقول ضيع الفندق مدري وين كان عقلي الواجب نروح معاه للمطعم يلا الحمدلله عدت ع خير
ولما جا الليل وداني السوق واشتري اغراض من ضمنها كريم الاساس اللي يجي ابيض زي البويا ياكرهي له يشوه الوحده ..المهم الاخت تبغئ تخفئ اثار الحمل لو ماحطيته احسن وزوجي يا حليله ساكت وهو مو عاجبه طيب ابدي رايك انا تعبانه وماعلي شرهه كل ماتذكر شكلي اضحك
ويوم اصبحنا قال بنروح البحر وانا ودي يقول بنرجع للبيت المهم قال ايش تبون فطور قلت اي شي وناخذ فطاير وعصيرات ويوم وصلنا البحر يبغئ يفلها هو وعياله قلت رجعني الفندق نفسي غثيانه وقالبه علي ورجعنا ماتهنئ ياحرام ..قلت كم بنجلس قال اربع ايام
المهم قضيتها بالقوه.. لو كان بفكري الحين مالازم نجلس اربع ايام لو ليله ونرجع مادام ظروفي لاتسمح
بس اياااااام الواحد يسافر مطمئن الحين خوف مانقدر نسافر وحدنا ...
ملاحظه ...الحين كل ماقال شي قلت لا ههههه ابعوض ايام الاستسلام.. ياحلوها من ايام
اتمنئ ان سالفتي عجبتكم ..يلا الدور عليكم.