تعالوا يابنات ريحوا ضميري من التانيب والله محتاجه لأرائكم وفرجو هم مسلمه

اخـــــــــــواتي الســــلام عليكم ورحمة الله وبركاته

وانا عضــــوة قديمة ومعـــاكم لكن دخلت بمعرف آخر ماأبي احد يعرف ظروفي ووضعي ولاشياء خاصه

مشكـــــــــلتي يمكن الغير يشوفها شي عادي لكن انا لا

طبيعتي عندي ضميري طبعه التانيب والمحاسبه يعني لو غلطت بحق احد اجلس الوم نفسي لو تكلمت بكلمة وحسيتها جرحت احد حتى لو بدون قصد ضميري يتعبني بالتأنيب والحساب

المهم يااخوات عندي صـــــــــــديقه تعتبر اختي اللي ماجابتها امي وصداقتي بها اخوه واخت ومعزه صديقه نـــــــــــــادره

المهم يااخوات عني انا كنت وفيه معاها لابعد حد كنت افديها بروحي عمرها مااحتاجت لي ومالقيتني طبعي كذا أعطي بدون ماانتظر وبدون ماابغى مقابل حتى هي ماكانت سيئه

المشكله يااخوات صارت مشكله كبيييره وجرحتني وانا رديت لها الجرح لكن من الالم يااخوات تعرفون كيف الجرح لما يجي من انسان عزيز وغالي عليك من انسان تتوقع انه حريص مايألمك

قلت لها خلاص انتهى اللي بيني وبينك ليه لانه بقائها كان متعب لنفسي وجرح راح يتعبني ومو حريصه انها تداوي جرحي وتعترف بغلطتها
وصرت انانيه لانها هي كانت في الموقف انانيه واحسها :44:كانت تستلذ بجرحي والمي وتزيد فيه وكانها ماسكه مشرط وجالسه تذبح وتزيد النزف

:icon33:
عشت ظروف صعبه بالحيل المشكله مو هنا ضميري تعبني ليه انهيتها انا تنهيها هي عادي بس مو انا
صار اي احد يتكلم عن العشره وانها ماينهيها الا قليل الاصل يتعبني هذا الكلام واحس انا المقصوده
انا ماانهيت الا بعد الم الا حمايه لنفسي الا حفظ لكرامتي
احس لما احد يقول خاين عشره احس كانه الكلام ليه وانا والله مو كذا هي اللي هانت عليها وجبرتني اتخذ هالقرار

صرت اشوف نفسي اني موحق عشره واني مثل الناس اللي تهون عليها الصداقه والعيش والملح والعشره
وانا والله مو كذا ابد بالعكس تحملت وصبرت وكنت حريصه اني الم الموضوع لكن هي تمادت بزيادة

ماابي اذكر الموقف لاسباب خاصه

الان قولولي انا اللي انهيت العلاقه وانا زي ماجرحتني جرحتها هل انا غلطانه ؟
هل اعتبر مااصون العشره طيب غصب عني:44: والله يااخوات الكل يشهد بصدق صداقتي ووفاي

اه يااخوات عايشه في صراع نفسي مؤلم بالله ريحوني وحتى لو كان احساسي نفس اللي احسه صح قولولي انتي غلطانه لانه لو كنت بهذه الصوره عندي رأي وقرار راح اسويه

اقسوا عليه اهم شيء ابغى الصراحه منكم انا مانزلت الموضوع الا ابغى اوصل لحل وللصوره الصادقه والصحيحه

اهم شي اني مااكون بصوره انا ضدها والله يااخوات ان ضميري تعبني والله لايحط انسانه في موقف مثل موقفي

وتراها صداقتنا صداقه نادره وماتتعوض وصحبه كانت معينه على الخير


يااخوات انا ماهمتني بقريح ولو انعادت المياه ماتعنيلي ولا اني تعبانه بدونها بالعكس شريت راحتي
انا بس مااحب اكون صوره مو انا ماني حابه اكون ماني حق عشره ولاني صاينتها
بس والا هي ماعادها من اهتماماتي بجفظ الله الله وياها