تعالوا يابنات شوي ... ممكن؟ بليز :(

السلام عليكم ورحمة الله وبركاته

اول شي هذا الاسم متسلفته من صديقتي لانه ماعندي وحبيت افضفضلكم شوي اذا تسمحون لاني مره متنكده

بنات احس اني منكتمه ومتضايقه مره مره مره
تخيلي ولاول مره ابوك يزعل عليك فجأه ولا يرد على مكالماتك

انا بالشرقيه وهو بالرياض ولا حتى اقدر اروح اسلم على راسه
اكلمه مايرد
اكلمه من جوال احد ثاني اذا درا انه انا قفل بوجهي!

ويوم ارسلتله رساله ليش كذا يبه وش مزعلك .. قالي على سالفه قديمه جدا زعلته بوقتها رضا كلمته كم مره بعدها سواليف ضحك الحين مادري ليش تذكرها غريبه وزعل!!
ارسلتله رساله طووويله اني اسفه وماكان قصدي انت ابوي وتاج راسي وووو .. لكن مارد
كلمته بعدها .. وبرضه مارد


طيب وش اسوي اكثر من كذااا
عجزت انام مره متضايقه اول مره كذا يزعل ابوي علي بحياته
اعوذبالله من الشيطان الرجيم

بنات ممكن تدعونلي ولو بضهر الغيب والله ان الابو غالي وزعله غير عن زعل اي احد بهالدنيا:(:(:(
ادعوا انه يرضا علي مااادري ش اسووي علمووني لو كنتم مكاني شلون تتصرفووون عشان ترضوونه خاصة انكم بعيدين عنه