تعالوا يا بنات اسمعوا قصتي مع د/هدى البيطار استشارية الجلديه

كيف حالكم يابنات وان شاء الله تكونوا في احسن حال
اكيد متحمسين تسمعون القصه ...............نبدأ على بركة الله
انا يابنات اعاني من جفاف في البشره وتعدد لون بشرة الوجه يعني حول الفم من الزوايا الخارجيه اغمق من اللون الاصلي وحكه واحمرار المهم سألت عن احسن طبيبه قالوا لي هدى البيطار من المركز التخصصي الطبي واتصلت تلفون من ثلاث اسابيع تقريبا واخذت عندها موعد ورحت يا بنات ..................
اول شيء والله العظيم تفاجئت بنفسها الخايسه وكأنها تكشف عليك مجانا او صدقه منها المهم وضعت مرايه مكبره على وجهي وقالت عندك تهيج في البشره وبسوي لك تقشير على مدى جلسات واعطتني كريمات وقالت تعالي بعد اسبوعين والكريمات هي (ELDOQUIN FORT4%CREAM)و(ACRETIN 0.025%) وبعد ما طلعت من العياده رحت للمحاسبه وقالت ثلاث مائة ريال كشف ودفعتها وانا مقتنعه لانها طبيبه كبيره واكيد كشفها غالي !!!!نرجع للكريمات استخدمتها يوميا وفعلا سوت لي تقشير على خفيف وطبعا اعطتني مرطب وكنت احطه يا بنات على مدار الساعه من شدة الجفاف الي صار لي ...........المهم خلصت الاسبوعين ورحت لها واول ما دخلت عندها بدون سلام ولا كلام قالت لي / نامي على السرير وجت وجابت قطنه حطت فيها محلول ومسحت بها وجهي وكانه نار شبت في وجهي من شدة حرارته وقالت خلاص قلت وشو الي خلاص قلت هذا محلول التقشير! والله يا بنات ما اخذت منها ثواني ويوم رحت للمحاسبه قالت خمس مائة ريال قلت ليش قال الدكتوره سوت لك تقشير !!!!!! المهم نكمل القصه قالت لي استمري على الكريمات الي عندك وتعالي بعد اسبوع ولما رحت لها بعد اسبوع جلست انتظرها في العياده لانها كانت في الغرفه الثانيه عندها حاله ثانيه والغرفه الثانيه الظاهر لي انها للعمليات المصغره المهم دخلت علي في العياده وهي مستعجله والله العظيم يابنات ما كأنها تعرفني ولا كأني جيتها مرتين من قبل ولا حتى سألتني وش اخبار بشرتي بعد التقشير ولا شي قالت بسرعه نامي وهي واقفه عند الباب قلت لها ليه انام على السرير قالت عشان اعمل لك التقشير قلت لها نفس الاسبوع الي راح قالت طبعا قلت وبخمس ميه قالت طبعا وهي اربع جلسات كل جلسه بخمس ميه!!!!!
يا بنات والله العظيم انا ما همتني الفلوس قد ما قهرني اسلوبها وبعدين الموضوع ما ياخذ منها ثواني يعني انا بتحط علي القطنه بسرعه وتروح للحاله الي في الغرفه الثانيه يعني كأنها جت للعياده تشرب مويه !!! الهم رفضت وقلت لها ما فيه كريمات تفي بالغرض قالت الكريمات الي عندك امشي عليها مدة شهر بعدين تعالي هي تعطي نفس المفعول بس ابطء ! المهم انا طلعت منها وتركت الكريمات ومستمره بس على المرطب بس يا بنات بشرتي ذبحتني بالجفاف والحكه لحد الحين ما استفدت شي!!!!!
:( نسيت اقول لكم عن شعري بعد................
سألتها عن شعري لأنه خفيف من قدام مره قالت لي الي عندك وراثه وما له حل( قمت الاحباط) الا اذا بتاكلين حبوب طول عمرك لانك لو كلتيها وتركتيها بيطيح الشعر الي طلع!!!