تعالو ابغي مشورتكم بالموضوع

السلام عليكم ورحمة الله وبركاته
كيفكم بنات اخباركم يابنات بقلكم قصة واتمني انكم تكونو صريحين وابغي وقفتكم مع بنت الناس والنصيحة وايش تسوي بحالتها لاني احترت وماعرفت الصراحة اقلها شي القصة يابنات حقلكم هي من طقطق لسلام عليكم وانتو قولولي ايش تسوي المسكينة القصة ....
هي بنت كان عمرها 15سنة تزوجت صغيرة من رجل عمرو 39سنة وعاشت معاه وانجبت 3اطفال بنت وولدين لما صار عمرها 18سنة زوجها صار يشك فيها وهي صغيرة والبنت ماشاء الله تبارك الرحمن جميلة
صارت حياتها جحيم مع هذا الرجل من شك وغيرة وهي لسة صغيرة من اهانات وضرب كل يوم البنت صار عمرها عشرين سنة وهي علي هادا الحال من ضرب وشك امام اطفالها الثلاثة تروح لاهلها وتشكيلهم ويرجعوها ماتفهم شي وترجع لضرب والاهانة وكان يعايرها دايما ويقلها شفتي زي الكلبة رجعوكي اهلك والبنت بس بكاء علي سجادة الصلاه وتحسب الله فية ليوم ضربها ضرب راسها انفتح ونزل دم منها واتنومت بالمستشفى وجاء اخوها الكبير ووضع حد لها وقالها مافي لكي رجعا خلاص لازم تتطلقي هادا مريض الله يستر وطبعا مارضي يطلق اخوانها خلعوها منو وكان عمرها عشرين سنة ومطلقة والمهم بعد ماطلقت حرمها عيالها ولو تموت ماتشوفهم حاولت ووصتت ناس مافي امل وكان يجيها عرسان وترفض علي امل تاخد عيالها ومافي فايدة مرت السنين وصارت البنت عمرها ستة وعشرين سنة وماشافت عيالها وجاها واحد ابن حلال وطلب يدها وتزوجت ورزقها الله منو بنتين وبعد ماتزوجت صار طليقها يبغا عيالها يجوها وهو مفهم عيالو امكم سابتكم عشان تتزوج هو خسيس ماادري عنو المهم ترا هي الله عوضها باانسان فعلن حسسها مامعنا الامومة والزواج طيب معاها ويحبها ومن عمرها يعني الله عوضها ماشاء الله خير وبدا طليقها كل شوي يغلس حياتها لدرجة زوجها يقلها ليش جلستي 6سنين ماعبرك ولاخلاكي تشوفي حتي عيالك ولامرة وبعد ماتزوجتي يبغي عيالك الحين يترددو عليكي ويتصلو وطليقك يجلس ينقل لهم كلام ويسفه بالكلام هادا ايش يبغي المهم صارو عيال طليقها كل مايتصلو يكون طليقها جمب العيال وكانو هو يقلهم قولولها كدة وخلوها تسوي كدة ويجلسو يطلبو طلبات ماما ابغي جوال انا واخوي ماما ابغي ادخل مدرسة خاصة المهم ترا امهم ماهي موظفة عايشة علي راتب زوجها ومستورة وبدت بينها وبين زوجها مشاكل بسبب طليقها وعيالو طبعاً هي حاسة كانو كابوس دخل حياتها بعد ماقطعت الامل برجعتهم وفجاءة بعد 12سنة صارو يبغو يترددو بيت امهم ويضغطو عليها وعلي زوجها وحتي زوجها صار يقلها لاتزعلي مني احس انك صرتي موطبيعية لاتكوني حنيتي انك ترجعي لطليقك ومسوين الأولاد حجة وهي يابنات ماطيقو اصلن ولاطيق عيالو خلاص هي ماتحس بشعور الام معهم بيخربو حياتها وماهي عارفة ايش تسوي لهم بالله يابنات ايش تنصحوها ايش تسوي وهي مرررة الدنيا قافلة بوجها ابغي تتخيلو نفسكم مكانها وايش بتسو عشان تقدرو تعيشو وللمعلومية الحرمة هادي ابوها وامها توفو من يوم تزوجت وحتي ماعندها احد تلجالو بالموضوع واخوها الكبير لو يعرف ان هادا الخسيس رجع بحيات اختو يمكن يقتلو لانو انتو عارفين كيف كانت حياتها واترك لكم التعليق الله يسعدكم وانصحوها ايش تسوي الله يجزاكم كل خير يارب