تعالو ابيكم بسالفة.. الغيبة والحسنات<<< مُعدل

السلام عليكم ورحمه الله وبركاته
كيفكم يا حلوين إن شاء الله بخير جميعاً
اليوم عندي موضوع مهم جداً وأتمنى من الكل قرائتة للنهايه
طبعاً بتكلم معاكم كا أخوات جمبعاً وأنا احسبكم كذالك وبما إننا اخوات لن اغلف حكيي واتكلف فيه بتكلم معاكم من قلب لقلب أو بالأصح من قلب مسلم محب لأخيه المسلم
اسفه طولت عليكم بس أنا تعمدت ذالك عشان تفهمون طبيعه الي بيحاكيكم موضوعي ديني وعلمي بحت لكن أنا اشوفه اجتماعي بشكل بحت علشان كيذا جبته هينا ... اخواتي العزيزات الحبيبات كلنا نعرف معنى الغيبه !! صح والا لا ؟.
انا ماراح اعرف لكم الغيبه واصفصف الكلام كنصيحه
لا!!
انا بحاكيكم جميعاً كأخوات أنا إنسانه ما اعرفكم ولا تعرفوني لكن اعرف حالنا والى وييين وصلنا من هذا الموضوع!
وانا مثلكم اغتاب واستغفر واغتاب وعلى هذا الحال !
طيب وبعدين؟ لمتى ؟؟
لمتى ناكل في لحوم خلق الله ؟ طيب وش نستفيد أبي وحده تقول فائده وحده للغيبه !
مافي او يمكن تقولون سعه صدر ..
انا معاكم سعه صدر طيب وسعنا صدورنا وضحكنا وتمسخرنا !







لحظه حبيباتي تخيلووو معاي بس دقيقه من وقتكم ...
تخيلي يوم من الايام واعذروني على شفافيه الاسلوب ..
تخيلي مره من المرات رحتي كشته مع اهلك او زوجك...








كشتو استانستو خلصتو ....








جيتو بترجعون السياره مبنشره والي معاك مامعه ستبنه !!!




اتصالات توقفت ومافي ابراج!!!!








هينا حلت المصيبه طيب وش بتسوون لمتى بتظلون في هذا البر!!



حل الظلام والرجال الي معاك ارتبك وموعارف شيسوي !!! بس يرقى في هالطعوس يدور ابراج !!






حل عليكم الرعب ظليتو في السياره للصباح بمنطقه مقطوعه !




فجاه اكتشفتو ان مويتكم خلصت طيب بنموت من العطش !! ؟؟؟
الجوع يتحمل بس العطش لا!



وعلى هذا الحال لمده قصيره ليين حلت عليكم سياره من فوق الطعس! زوجك يطق له بوري عشان ينتبه لكم !





اشر له الرجال يعني تعال لي فوق رقى الي معاك فوق الطعس الطوووويييل الي يهلك صاحبه !
وظليتي مركزه وفرحانه وتتحمدين وتتشكرين ربك ...






فجاه يأشر لك زوجك يناديك يعني تعالي فوق الطعس مشيتي
ورقيتي

رقيتي


مع العطش



انهلكتي شوي توقفين
شوي تتعثرين

شوي تطيحين
والرمال تتزحلق بك !!!








لين جا فرج ربي ووصلتي وانتي مو شايفه الي قدامك من العطش والجوع والتعب
يقومك زورجك ويمد لك علبه مويه باارده
انتي فرحانه بالمووويه اكثر لدرجه نسيتي تعبببك









فجاه وبدون مقدمات ينزل من السياره شخص انتي ماتطيقينه وتكرهيييينه كره الويل
يقوم زوجك ياخذ علبه المويه الي انتي محتاجتها اكثر من الشخص الكريه اللي قدامك ويمدها لهالشخص!!!!!


تشخصين عيونك انا ابيها انا عطشانه هذي لي !


يقوم زوجك يقولك هذي صارت لفلان !!!؟؟ مو لك





انتهى

تخيلتو معي الان كل هذي الاحداث حسيتووو بالاحساس حق الحرمه اكيد وانقهرتو !!
طيب هذي المويه هي حسناتكممم الي تعبانين ونتم تعملون فيها ابتلاءات من رب العالمين صبرتو عليها وربي أجركم عليها
وبكل بساطه
عطيتوها لمين ؟؟
مولسخص تحبونه لا؟!



لشخص تكرهونه!
حسيتو احساس الندم حبيباتي
هذا حالنا الان والله

وبعدين ؟ صلاتي صدقتي استغفاري سنني اذكاري قراىتي للقران .....الخ
اجرهم وين راح!
لك ؟؟؟
لا مو لك بعض من هذه الاجور والحسنات اللي تعبتي تحصدين فيها راحت ! طيب لمين
لوحده تكرهينها

علشان كيذا وش بيصير لو خافظنا على حسناتنا على اجورنا لاننا والله بنحتاجها في يوم لا ينفع مال ولا بنون الا من اتى الله بقلب سليم....

الدنيا فانيه لسنا معمربن والله فالنعمل العمل ونحافظ على اجره ونترك الناس لرب الناس ..
هو اولا بهم والله مثل ماقال حبيبنا محمد من حسن اسلام المرأ تركه مالا يعنيه ""
وخصوصا إحنا يا مجتمع الحريم الحريم تاكل بعضها باللسان !!
مايضرنا لو حفظنا السنتنا عنهم ؟ مايضرنا لو كفينا أذانا ؟؟ عنهم
وش نستفيد لو جرحنا وش نستفيد لو اغتبنا ؟؟؟ بل وش نستفيد لو نقلنا حكيي سواء صحيح او لا

مافي اي فائده فقط تأجج فتن وذنوب وقله توفيق ....
اعملو العمل الصالح واحتسبوه عند الله اكتمو غيظكم واحفظو السنتكم لتنالو شرف الجنه ..
اختم موضوعي هذا بقول حبيبنا محمد من ضمن لي مابين لحييه ومابين فرجيه اضمن له الجنه""


دمتم بود حبيباتي وحفظكم الله من كل شر ..:heart::heart: