تعالو تكفون وقولو وش ارايكم

مساءالخير

يانات زوجي ذبحني كل ماتهواشنا ويقولي انقلعي لبيت اهلك اتصلي على اخوك خله ياخذك

ليش شايفني من الشارع كل مابغيت وانت بتقلعني والا حلفت عليك الااتزوجني


يابنات مومعقوله يقولي يحبني ومدري ايش ومجردمانتهاوش احسه يكرهني




ابي افهم انا مستغني مره والا ايش بالضبط لومايبيني ليش مايوديني بنفسه ليش


ترى يجرحني عن جداحسها مذله انقلعي انقلعي


يابنات انا مشكالي معاه كثيره وكتبتها وانمسحت قبل مارسلها


واختصارت باللي كتبته فوق


نفسي يتوب ومايقولها

اول كل ماتهاوشنا يقولي نفس الكلمه واقوله انت توديني واوقات يرجعني عندهم واجلس كم يوم


بس الحين مابي عشان عندي اختبارات وبكره عندي اختبار وانا بديره غيرديرة اهلي

كل مابغيت السوق نكدعلي كل مابغيت اخرج لازم ابكي قبلها

حتى بالاعيادولحدامس بغيت ستي ماكس وقال وش تبين فيه قلت بنفسي شكلي بتعشى فيه

حسيت انه ماله نفس يوديني وانا ماكنت ابيه ضروري قلتله خلاص مابغاه حس انه ضايقني وحاول فيني وعرفت انه خلاص بيوديني ورحنا قلتله انا عازمتك على ايس كريم موفنبيك مره نحبه عادي ترى نعزم بعض حتى لوعلى بيبسي حسيته انبسط وقال خلاص

واحنا ماشين حسيته متثاقل الروحه لموفنبيك وانه المغرب قرب قلتله مومشكله انا اهم شي ستس ماكس رد معصب ستي ماكس كمان

يابنات هو قال انه بيوديني والحين غيركلامه

قلتله خلاص خلاص مابي تروحله وانا والله انحرق رزي ومت قهرمنه وشوي وهو واقف عند بابه بيدور موقف قلتله لاتوقف تراني مابغى انزل عصب ومشى

يابنات وش النفسيه اللي تتسوق وهي معصبه وهذا اسلوبه كل مره كل عيد كل نزله للسوق وياليت الفلوس من عنده من مكأفأتي من الكليه

قهرني قهرني والله اني عندي اهلي ماكان ناقص علي شي وانا الوحيده بنت

وراى هذا كله انه مقصرمعاي وظروفه الله يعلم فيها ديون واقصاد انا اعرفها زين زين والراتب ادري وين يروح ورى ذا كله يسوي كذا صابره عليه اوقات والله اخذمن امي فلوس ادبر نفسي فيها

ونهايتها انقلعي انقلعي كل مابغى ليش بس وش سويت

جلست ابكي وابكي بالسياره قلتله وهذا الفلوس من عندي لوقلتلك هات وش مصيري

يقولي صكي فمك وينافخ كاني اصغربزر قدامه

والله ثم والله لوماعندي اختبارات كان رحت لاهلي بس مومثل اي روحه وعلمته زين كيف انقلع

وغيرالاختبارات امي يابنات مسكينه معاها السكر مرتفع مره وكافيه انها لحالها بالبيت ومجروحه من وفاة اختي وزوجها بشهرعسلهم الله يرحمهم ومن وفاة اخوي بعمر23سنه والامن وفاة الوالد مابي احملها هم لانها تقلي انا متريحه دام معاه قصدها زوجي لانه تحبه

ببداية زواجنا والله اني عانيت بسبب العين والحسد كفايه ماكنا انا وزوجي نبي بيتنا ابي ارتاح واريحه

محتاجه حنان ابيه يعوضني عن حرماني لااهلي مويقولي انقلعي كاني ولاشي

لاتقولو معصب ومدري ايش لايابنات لولااخته ماكان قاله لولواحد بعمله مسؤؤل ماقالها

تعبت كفايه بعدي عن اهلي وجلستي بالبيت ماروح الاللكليه لاطلعه ولادخله ولاغيره مكتومه مكتومه وهوفترة عمله طويله

وماديا هو مزنوق يعني عايشه بدوامه وامس وانا اصيح وقلته انتا كل عيدتسوي فيني كذا مدري ليش تضايقني وتجيبني عندالسوق تنزلني وش النفس اللي تبي تشتري

قلتله من اول ماتزوجنا ماشتريت زين من السوق الابعيدشوال اللي فات لاني رحت مع اخوي وزوحته جده
يقولي انقلعي لااخوك تعرفين رقمه دقي عليه خليه يجي ياخذك ليششششششش طيب

يابنات احسه يغلط بحقي وبحق اهلي واخوي وامي اللي تحبه

يابنات لويحبني ويهتم بمشاعري مايجلس يسبب فيني لدرجة امس يقولي انتي امو وجهين وش قصده انا منافقه ياويله من ربي ووش اللي شافه مني

والامكافاتي اللي من الكليه اصرفها للبيت ولنا ومااطلع بش غير خفيف


ممكن تقولون انتي اهون ن غيرك بس بقولكم ترى اللي بالنفس ماقدر اكتبه احس بقهررررررررررررررررررررررررررررررررر