تعالو خففو عني شوي

مكتئبة جدا
بقالي فترة اسبوع عايشة اكتئاب مو طبيعي
حالة وفاة زوجة اخوي وفوق كل هذا كملتها طلعة زوجي ل اشغاله هذا الاسبوع
يعني مو المفروض كل واحد يطلع مرة لا مخلين كل شي عليه
ماخذين شغلة مدري وش وضعها وبعيدة عنا ساعتين ولازم يكون واحد منهم يروح يشرف ويمشي امور العمال لانهم شغالين بمنشأة تابعة للجيش وعمي واخوان زوجي دبسوه فيها يخلونه يروح هو
ولاااا بعد يبدون شغل الساعة ١٢ بالليل
ومرة يطلع بالليل ومرة يطلع قبل الفجر ومرة مايرجع للبيت
شوفو القهر يعني
كل يوم خميس متعودة يطلعني انا وابني نلف كل الاماكن واخر وناسة ودلع
ذاك الخميس ورب الكعبة يتصلون عليه تمو وراه لحد ماطلع الساعة ١٢ الليل من البيت وراح للعمال وتركني لوحدي انا وابني واحنا ٢ نبكي وهو يوم يتصل علي صوته مخنوووق وشوي دموعه تنزل لانه حساس
ويوم افتح السنابات كل اخوانه داقين سنابات
لي بالمنتزه ولي بمطعم ولي بمول وكلهم مع عيالهم وهو يدق هالمشوار ومايرجع الا قريب الظهر يكون تعبااان ويرجع ينام بالساعات ويطلع مرة ثانية
والله جاتني حالة نفسية كل يوم ابكي وراه على الباب وهو طالع بالليل وبعض الاحيان احس دموووعه بتنزل ومرة يعصب ويقولي وش اسوي يعني ويسب ويلعن على اخوانه
وانا اقعد قلبي نااار اخاف يسوي حادث بالليل خصوصا انه يمشي بطريق مظلم وهو يسرع كثير اخاف يتعب ويجوع او يجيه النوم
ويابنااات كل عمالهم نيبالية وفلبن مو مسلمين وكله يقولي اول انهم يسكرون
اخاف يأذونه بالليل او يسون له شي مع انه من قبل في واحد فلبيني قبل اربع سنين كان عندهم شغل بالليل وجا فلبيني سكران حاول يقتل اخوه
انا قلبي مولع وناار
اول كان يطلع الساعة ٧ او ٨ الصباح ويرجع قبل العصر للبيت يعني الوضع كان كويس
الحين يقولي يبغالهم اسبوع ثاني على هالوضع ومدري ليه هو متحمل كذا واخوانه يقولي كل واحد عياله كبار لازم يتم معاهم
وطيب انت مو عندك ولد وحرمة تتركهم بالليل لوحدهم
شخصيته ضعيفة قدام اخوانه ويضحي عشانهم اهم شي رضاهم وهم مستانسين على هالوضع والفلوس والله كل يوم بلاوي تنزل بحساباتهم وهو لي قاعد يمشي لهم الشغل بالليل وبالبرد وكل واحد نايم جنب حرمته ولا على بالهم