تعالو شوفو ابرة الظهر وش سوت فيني .....

السلام عليكم ورحمة الله وبركاته
راح احكيلكم عني في حملي هذا اللي من بدايته الى نهايته مرررة متعب في فترة الوحم غثيان شديد ودوخة ونوم كثيييير وخمول في الجسم 4 شهور على هالحال ومن الشهر الخامس الى الاخير ثقل وتعب والام في الرجلين وانتفاخ عند مقادم الرجلين والام اسفل البطن والظهر والنفسية جدا تعبانه ولما جا الشهر الاخير ازدادت النفسية وصرت عصبية بالمرة والاكتئاب شديد و24 ساعة بس ابكي ابغى ينتهي هالحمل على خير ولما قربت الولادة صرت كل يوم امشي نص ساعة 3 او 4 مرات في اليوم واقرأ الاذكار بكثرة واجلس القرفصاء واشرب اعشاب لتسهيل الولادة واكل رطب وامشي يعني من جد ارهقت نفسي بالمشي والتساهيل كلها من الله لا المشي ولا غيره يسوي شي يعني الواحد يقرأ القران والاذكار فقط لانها هي اللي تسهل الولادة ....

وقبل 14 يوم ولدت وجبت بنت ولله الحمد بس بعد معاناة في الولادة ولاول مرة تصير لي مع ان كل ولاداتي سهلة .... المهم كنت نايمة بعد صلاة الفجر وكان ثاني يوم من رمضان وفجأة وانا نايمة حسيت بالام شديدة في اسفل البطن والظهر ولما صحيت لقيت معي دم وحسيت ان الولادة راح تصير في نفس اليوم وعلى طول رحت ومشيت لمدة ساعة والالام تزيد اكثر واكثر بس الموية مانزلت واستغربت لان كل مرة ينزل فيها دم على طول تنزل الموية معه الا هالمرة المهم لما جت الساعة 8 صحيت زوجي وعلى طول عالمستشفى ولما دخلت غرفة الكشف كشفو علي وقالو الرحم مفتوح 5 سم وعملو لي تخطيط ولما جت الساعة 10 ونص طلعوني على قسم الولادة والالام ماقدرت استحملها مررررة شديدة سبحان الله في كل حملة كنت اجلس نص ساعة وعلى طول اولد هالمررررة غير جت الساعة 11 الا ربع ودخلت علي الدكتورة وشافتني بموت الا شوي قالت خذي ابرة ظهر عشان تخفف عليك الالام لان الرحم مفتوح 6 سم ولما يوصل 10 ماراح تستحملين اكثر من كذا وانا وبدون شعور قلت سوي اللي تبغين بس خليني اتخلص من هالالام مع اني مو مقتنعة من هالابرة ولي كم سنة وانا ضد هالابرة بس انا وافقت بعد ما سمعت صرااااخ الحريم من جد انفجعت وقلت يالله موافقة بعد 10 دقايق جا دكتور التخدير وهو مصري والله فاضي جالس يسولف ويكلمني عن هالابرة بكل برووود ويقول كل اللي عطيتهم ما اشتكو منها وانا اموت من الالم واقول بسرعة تكفى خل السواليف بعدين وهو يضحك والله احر ماعندي وابرد ماعنده وشوي الا واحس الالم راااااااااااااااااااااح ورجولي تنملت وبدت معي دوخة خفيفة وحسيت برااااااااااااااااااحة بعد هالالام يالله تغيييير مفاجأ وفعلا جاني النوم والدكتور جاب ثلج عشان
يحطه على رجولي وبطني وصدري وهو يقولي تحسين ببرودة والا لا بعض المناطق احس فيها وبعضها يعني مو مرة
والتخدير صار من الساعة 11 الى الساعة 2 الظهر وبعدين حسيت بالام اسفل بطني وظهري وكل مرة تزيد اكثر واكثر
والممرضة كشفت علي وقالت الرحم مفتوح 8 سم وقالت لي مدام ليش توافقين على الابرة مفروض انت من زمان والدة الابرة هذي مو كويسة ..... والله العظيم ان مفعول الابرة اختففففففى ورجعت لي الالام من جديييد وحتى اشد من اول ومن الساعة 2 لحد الساعة 4 العصر وانا في حالة مايعلم فيها الا الله والله حتى الممرضة تقول يامدام الابرة هذي بس تخفف الالم شوي ولما يفتح الرحم من 8 سم الى 10 سم الابرة ماتسوي اي شي يعني مالها اي لزوووم وفوق هذا تخدر الجنين يعني بنتي متخدرة بالمرة من 4 ساعات ما تتحرك الا شوي والممرضة تقول بيبي نوووووم وتعيد وتكرر الابره هذي مافي كويس كل شوي تقولها ... الرحم كان مفتوح 10 سم بعد ماكشفت الدكتورة علي وكانت الساعة 3 الظهر وقالت لي ادفعي عشان ينزل الراس لانه مازال مرتفع فوق وانا اتعذب في هاللحظة وكل شوي ادفع واضغط والراس مو راضي ينزل ولما جت الساعة 4 ضعف نبض الجنين والممرضة قلقانة بالمرة وانا ادعي ربي في هذيك اللحظة وبعدها نادت باقي الممرضات لان الراس بدا يطلع وانا ما احس بشي من اسفل لانه مخدر بس الالام اللي هي زي المغص مقطعتني وذابحتني وشوي شوي وانا اضغط بقوة كل شوي عشان يطلع الراس الا والحمد لله طلع الراس بعد معاناة وعذاب طلعو بنتي وانا خايفة عليها وبالاخير ولله الحمد ما صار لها شي وارتحت من هالعذاب وقلت الله لا يعيدها من ابرة واتمنى اي وحدة عند الولادة لاتتهور وتسوي مثلي والله العظيم انه كله كذب بكذب
لا هي تخفف الالم عند طلوع الراس ولاشي هي مؤقته فقط وفوق هذا تسبب الام في اسفل الظهر والام في المبايض بعد فترة من الولادة ....
نصيحة مني لكل وحدة مقدمة على هالخطوة انها ماتجربها وبس والله يسهل على كل حامل يارب

ملاحظة :
انا قبل الولادة كنت استخدم خلطة اعشاب قالت عليها وحدة على انها تسهل الولادة وطلع العكس حسبي الله ونعم الوكيل
والخلطة عبارة عن (( كمون - يانسون - حبة سوداء - نينخة - شمر - حلبة - محلب )) تغلى على كاسين ماء وتشرب مرة واحدة وكل يوم اشربها وبالاخير تعسرت الولادة عندي ....