تعالو شوفو قصتي مع البنت القبيحه

السلام عليكم ورحمة الله وبركاته
قبل فتره كنت انا وعيالي جالسين بالبيت كنا جايين من السوق نتقضى ونشتري ملابس واغراض ...وجبنا معنا عشاء من المطعم وتعشينا ..وبعده طلعنا وسيرنا ...جاء الاسبوع الثاني وطلعنا بعد للسوق وبعد شرينا ملابس ثانيه ..كان اي شي يعجبنا نشتريه نحتاجه او مانحتاجه ..وبعدما تسوقنا تعشينا بمطعم وبعده رجعنا البيت ..
كان مايمر اسبوع الا ونطلع فيه يومين او ثلاثه او نجتمع فيه مع اقاربنا ...ومع ذلك دايم كلمة طفشانين على لسان كل واحد فينا ..
كنا مقصرين بعبادتنا مع ربنا وتلاوة كتابه العظيم ..
اما البيت فكانت تجي الخدامه وتنظفه ..والاكل من المطعم والملابس عند المغسله ...وهكذا كانت حياتنا .
الين جاء ذاك اليوم اللي مستحيل انساه بحياتي ..قبل شهر ونص نقريبا ..رحت اتجهز انا وعيالي كالعاده حتى نطلع ..لبسنا وتجهزنا وطلعنا بنركب السياره ..لكن المفاجأه لما فتحت باب البيت لقيت بنت قبيحة الوجه غريبة الشكل شعرها طاير وعيونها ممغوطه وعمرها تقريبا ١٩ وبيدها سيف ..وواقفه على باب بيتنا حاولت اسفهها ونركب السيا ره ..ماقدرت ..ولا دريت الا وهي واقفه قدامي قالت ارجعي بيتك انتي وعيالك ..قلت من انتي ومن وين جايه قالت بعدين تعرفين ..تجاهلتها وحاولت اطلع عصبت علي وقالت ارجعي بيتك احسن لك ...خفت ورجعت
قلت طيب انا متعوده اطلع انا وعيالي كل اسبوع ..وش تبين فينا ..قالت هذاك اول اللحين غير ...

يتبع اذا شفت فيه تفاعل راح اكمل قصتي مع هالبنت للنهايه