شوف حبيبتي .. في البدايه انا اعتذر اذا جرحتك في كلمه من غير قصد لان والله ماهو من طبعي اجرح احد ولا احب احط راسي عالمخده وفيه احد متضايق مني حتى لو كان عن طريق النت وناس ماعرفهم لان الانسان محاسب على كل صغيره وكبيره في حياته ..
انا في البدايه ماحبيت اتكلم عن تربية عيالي وعن طريقتي اذا رحت واخذتهم معي لاني الحمد لله واثقه من تربيتهم
ولكن بما انك سألتيني كيف اتصرف راح اقولك والله الشاهد على كلامي ماراح اقول كلمه محاسبه عليها علشان ارضي الناس
انا عندي ولد وبنت كبار بأول وثاني ابتدائي بس والله من يوم كانو صغار عمرهم ماجو ومدو يديهم على سفرة الحريم وحتى اني لو اخذت من اللي على السفره وعطيتهم يرفضون وقليل ماياكلون عند الناس حتى لو عند اهل زوجي مع ان عيالهم يجون وياخذون وودي عيالي زيهم بس ينسون انفسهم باللعب وعند الناس عادي مابيهم يجون بس اهل ابوهم عادي لان حتى هم ينادونهم ويعيون ..
ثاني شي انتي سألتيني لو عيالي كانوا رايحين جايين على السفره بتركهم ؟
اقولك لا طبعا مستحيل اسكت بقولهم عيب وبحذرهم يجون مره ثانيه ومستحيل اخليهم يمدون يدهم على شي .
بس انا مو معك في حاجه ان نعود الاطفال انهم في بيتهم ياكلون على راحتهم وعند الناس لا
حبيبتي الطفل صعبه يفرق بين بيته وبيوت الناس اذا تعود على شي بيسويه حتى عند الناس
انا اعلم عيالي اداب الاكل واحترام النعمه حتى في البيت لانهم اذا تعودو عليه في البيت طبقوه برا ومن يوم كانو صغار ماطلع الا معطيتهم وجبه كامله لان عيالي زي ماقلت يلهون باللعب ولا ياكلون عند الناس حتى والله احيان أأكلهم بالسياره .
واللي فهمته من موضوعك عزيزتي انك زعلتي انهم خلصو الاكل .. فكان ردي لك انه المفروض سويتي كميه او بكيفهم خلصوه بالعافيه عليهم انتي مسويته لهم سواء اكلوه هم او عيالهم واللي ماجا المفروض رفعتيله على جنب ..
فيمكن سلفاتك مادروا انك حاطه الكميه كلها ويمكن ماكان عاجبهم تصرفات عيالهم بس الطفل احيانا نفقد السيطره عليه خاصه لما يختلط مع اطفال ثانين ..
فلازم يابنات نحسن الظن بالناس مانجي ونقول حريم مايستحون وعيال قليلين التربيه من موقف صار ماندري وش ظروفه ..
واخيرا .. الاختلاف في الراي لايفسد للود قضيه .. لازم يكون عندنا تقبل للرأي الاخر .
وانتي ياخذلني الوقت .. والله والله انك من العضوات اللي لهم مكانه بقلبي ولازم اذا شفتلك موضوع ادخله
واحب فيك مبادرتك ومساعدتك اللي كانت للبنات في قسم تأخر الحمل .. وهذي لك :26:

لا مرا غلط اش دا


الله يعين بس

والله صراحه الاطفال ماتعرفين لهم احيانا تتفاجأ الأم بتصرفات اطفالها عند الناس يقلدون بعضهم ويستهبلون وماتقدرين تضبطينهم وفي البيت ماشين زي الالف ...

لكن الله يصلحهم كلهم ويعيننا على تربيتهم ..

الحل الوحيد اللي امامك الله يعينك احسبي حسابهم في المرات الجايه وسوي لهم سفره لحالهم حتى لو تحطين لهم بسكوت وكيك وخرابيط جاهزة تشغلهم على بال ما تتقهوون ..

فعلا حركة ترفع الضغط
انا قبل ما اطلع اعطيهم نصااايح الين يقولوا بس عشان ما اتفشل انا