تعالو شوفو وش صار لي بالعياده امس وهوشتي مع الدكتور

سلام عليكم ورحمه الله وبركاته
بكتب لكم السالفه بنوع من التفصيل واتمنى تحطون نفسكم مكاني
انا كنت اسوي تقويم بعياده حسبي الله ونعم الوكيل فيه الدكتور الي فيهااا بعد مشوره ناس وانه سعره حلو وبحث قررت اروح له بعياده لؤي بيالطائف واسمه احمد واستخرت وقررت اركب التقويم
طبعا عرفت ان التقويم لكل الاسنان ب6000 وللصف الي فوق ب 3000 قررت اتوكل على الله واسوي تقويم للي فوق مع ان حالتي مره بسيطه مو مره صعبه ابداااا
رحت للدكتور طبعا لوحدي م والسبب بتسالوني اكيد ليش لان الوالد الله يسلمكم هاملنا مره ولافكر فينا ولو فكرت وكلمته وقلت ابي اسوي تقويم بيقول هات الفلوس وبعدين اعطيك ويجي سنتين ومايعطيني ابداا غير انه شايل يده من مصارفنا مرره ومو هذا موذوعي الوالد مايوديني حتى للمستشفيات الحكوميه لمواعيدي فقررت اخذ من حافزي واروح اسوي تقويم واعدل باسناني وارتبها شوي
رحت للعياده المذكوره وطبعا شفت الحريم كلهم بالاستقبال الي ينتظرن ادوارهن مدح فيه وكلهم يقولون ظبط شغله مررررررره معنا
انا دخلت وواقثه حمد لله بس كنت لوحدي كلمت اختي تجي معي رفضت قالت مو رياحه فاطريت اروح لوحدي وحمد لله بالحجاب الشرعي الكامل دخلت عنده حسيته مستغرب جيت لوحدي مامعي حد لانه عادتن يجون مع اخ او اب او زوج بس ان الله يعوض علي ابوي مافكر فيني ولو كلمته اخذ فلوسي حقت التقويم ولاهو موديني ابد
فحسيت بتعامله ينافخ علي يوم شافني لحالي جايته وينفخ مررررره ويكلمني من طرف خشمه انا عديتها ومشيتها له وعطيته الف ريال دفعه اولى ولاحظت انه كل الناس بالنت وكل الحريم بحواء كاتبات انه اي دكتور بعد مايركب التقويم لهم يعطيهم مهدئات ومسكنات لتقويم ويقولهم ممنوع تاكلي اشياء قاسيه وهكذا وانا ماقالي شي ولا حاجه ركب لي التقويم وقالي خلاص وحتى بنفس العياده سالت حريم قالو اي قالنا هالشي وكتب لنا مهدئات لان اول مارتركبين التقويم يالمك مره انا رحت اشتريت مهدئات لي بدون مايكتب لي لان الالم مره ذبحني شوفو كيف مهمل بشغله حسبي الله فيه ومستهون لاني لحالي
بقي له عندي الفين المهم ركب الي التقويم وقالي في جراحه تحتاجينها عشان عندك نابين مطموره لازم تسوينها وهي موخطيره قال بدلك على شخص جراح اعرفه مره خبره وذكي وماشاء الله عليه بيس بيسوي لك النابين بالف ريال ؟ قلت طيب خلاص
وقالي كل جلسه تجيبين معاك 150 ريال او 200 قلت طيب
المهم رحت اشتشرت دكاتره اخرين بخصوص الجراحه حقت النابين المطموره طلعت الجراحه يسونها لي للنابين ب500 والدكتور المصون يقول بالف ريال وبدلك على الجراح الشاطر وكل ناب بيسويه لك ب500 يعني يبي هو ينفع خويه على حسابي حسبي الله فيه وياكل علي 500 ويقول ببعدها تجين لي واشد لك التقويم وتجيبين معاك الدفعه 150 حقت كل شهر
انا بعد ماشفت ان في دكاتره يسون لي النابين ب500 قررت اسوي الجراحه عند دكتور ثاني غير الي بي يدلني عليه حق التقويم
والله يابنات لاحظته يكلمني من راس خشمه كاني اشحده ورحت مره ثانيه وسالت الي ينتظرن عن تعامله كلهم يمدحونه يقولون قمه الطيب والرقي ويجاوب على كل اسئلتنا وانا لاني لحالي استهون فيني حسبي الله عليه الله لايبيحه ولايحله
الي صار جيت له امس العياده على اساس اني اكلمه بخصوص جراحه النابين ويشد لي التقويم
سلمت طبعا وجلس ينافخ وجلست انا ولاحظت انه يصيح على المررضه بقوه وينفخ بقوه اربكني وهو يسوي لي الشد وشد لي التقويم لي نزفت لثتي بالبيت لما رجعت البيت كل لثتي دم؟؟؟ لما جيت ادفع له ال200 المتفق علهيا ناظرني قال لازم 500؟ قلت بس انتي قلت لي 200 كل جلسه وانا ماعملت حسابي الى على 200ونفخ علي واكلمه مايناظرني يناظر بالورق وانا اساله كاني اشحده ونظراته ز ي الي يقول توكلي مو فاضي لك
سالته بخصوص الجراحه قلت له والله يادكتور في دكتور ثاني من معرفه ابويه قال بيسويها لي وانت مشكورجزاك الله خير طبعا لاحضو ماقلت لاه اني لقيت ب500 يسوون النابين وانت تبي تاكل علي 1000
لاحظت وجهه تغير وينافخ وعابس مره يقولي اها طيب شو جنسيته صاحب ابوكي هاد الي بيعرفو وحسيته يستهزئ وينافخ مو اسلوب دكتور ابد وربي قلت اردني قال طيب روحي عند الدكتور الشاطر وعيادتنا مابدها ياكي قلت ليش يادكتور جا مني شي فيه شي ؟ قال لا بس انتي بدك جراح اتاني الله معاك قلت طيب والالف الي دفعتها حقت التقويم قال خلاص هاي تبع التقويم الي ركبناه الك بتمك ماهو ببلاش
وربي خرجت ودمعتي على خدي وابكي ومقهوره ورحت جلست بالاستقبال ابكي ومنقهره وقلت بنفسثي برجع البيت وللا بسوي تقويم وفلوسي راحت خلاص واتالمت كثير وفكرت قلت والله مامررها له رحت طلعت له فوق
قلت انت كيف تطردني برا قال اطلعي برا وياشر بيده قصده لو ماطلعتي باضربك وامد يدي عليك وانا هاوشته والله ارتفع صوتي من القهر يابنات ويتكلم علي يقول انئلعي براااا والناس تجمعو وانا خلاص بموت بكاء وقهر منه رحت البيت ورجعت واناا تحسب عليه حسبي الله عليه ونعم الوكيل لوكنتو مكاني بستكتون على الظلم الي صار لكم ولا بتسون زي خليت الي مايشري يتفرج عليه ولميت الناس عليه وهزئته وعرفته انه الله حق
انا بالبدايه كنت بطلع من العياده وخلاص وانا اب كي بعد ماطردني قال عيادتنا مابدا ياكي بس انقهرت على نفسي وكرامتي وحقي الي ضاع ورحت ليمت الناس عليه وخليتهم يتفرجون عليه وهزئته وهوا ياشر بيده والممرضه حقته واقفه معه تقول عيب عليكي هالكلام ومدري ايش وش رايكم بنات