تعالو قولو لي وش اسوي بنفسي :'(

السلام عليكم ورحمة الله 
كيفكم ان شاءالله بخير 
قبل ابدا بسالفتي هذي اول مشكله نزلتها لكم هنا ع الرابط http://m.forum.hawaaworld.com/showthread.php?t=4062659

وبعد ماتشوفون قصتي انا صار لي حول خمس شهور ببيت اهلي 
طبعآ السبب زوجي واستخدامه للمخدرات وشكه ورفع الاسلاح علي 
المهم بعد تعب وجهد وجهيد راح الامل المره الاولى مع اخوه 
وقالو فيه بلا بس مادام جاي مقتنع مايحتاج نمسكه عطوه علاج وطلعوه وكتبو له موعد بعد اربعين يوم وراح يراجعهم من كلامه راح لحاله طبعآ انا اعرف ان اخوه كان مريض ولاراح معه بس هو يقول رحت لحالي يوم شافني الدكتور فرح وقاله خلاص يكفي علاج اتركه شوي شوي وله اسبوع تاركه هو 
ومالاحظنا عليه شي للامانه 
وهو كان مدمن ع الكبتاجون اربع سنين واكثر من كلامه هو زوجي 
المهم انا كنت حاطه شروط يعالج ويحط لي بيت في البدايه مايبي 
وانهبل وسوا لي مشاكل كبيره بعد العلاج قال خلاص بس ابي اجي لمك وكذا طيب عطيته فرصه وصار يجي بس طلباته قلق يبي كل يوم وكل دقيقه يجي يبي اكل يبي نوم طفشني 
وصراحه انا اكرهه مابيه ماحبه ماطيق ريحته ولاوجهه مايعجبني مب مرتاحه احيان اجلس ابكي انا مدري وش ابي 
مابيه بس حاجتي وحاجة عيالي مالي احد بعد الله غيره 
لاطلع ولادخل الا اذا هو موجود لو يموتون عيالي ماحد درى عنهم بس هو مايبي يحط لي بيت يبي ارجع الملحق عند امه قديم وكل شي فيه مفتوح هو نفسه يخاف ينام ب البيت 
بس يقول ماقدر احط لك شقه ويدعي ع نفسه ويبكي 
ويكلم كثير ومايبيني ازعل انا طفشت منه كل شي ماقدر 
ويكذب كثير هو ترك الدخان صح بس لحيته رجع حلقها والصلاة بدا يتهاون فيها طلعت معه مره هذا هو مايبي يضحك ولايسولف نفسه شينه بس عند اهلي الا بجي وكل همه اللي في باله 
وغير مايفكر ابي اتكلم معه بجديه يلف للي يبي طيب وبعدين 
تعبت منه وارحمه ومدري وش اسوي 
تو بس كنت زهقانه رديت عليه وهاوشته لان يحرجني بطلباته وبيت اهلي كبير ومليان استحي انا وهو يبتل تعبت منه والله ادعي عليه يموت ابي ارتاح استغفرالله
اي يوم هاوشته اتصل كم مره يتأسف ويقول انا حياتي معك لو تركتيني اموت انا احبك انا بدونك ميت انتي امي اهلي كل شي لي ب الدنيا انا بعد ودي ارجع احبه عجزت ماقدرت مليت وش اسوي بنفسي وهو لايمكن يتركني او يطلقني او ارتاح منه ماعنده عزة نفس يجي كثير يكلم كل دقيقه 
تكفون لاحد يرد لين يشوف الرابط عشان يشوف معي حق او لا 
وانا غصب عني اكرهه ومابيه ومابيدي شي ادعي واستخير كثير واستغفر بس هذا انا قليل افكر اني ابيه الا يمكن عشان حاجتنا له 
افكر ارجع بس اكثر وقتي مابيه 
ياربي وش اسوي قسم ب الله تعبت واكتب لكم وانا ابكي من حيرتي ووش اسوي