تعالي حبيبتي💕

ابغاك بكلمة راس :
اول شي ....
سوي لك الحين كوفي قهوه تركي شاي أخضر اي شي تحبين وامسكي دفترك واجلسي جلسه عميقه صادقه مع نفسك رتبي قراراتك دوني أهدافك خططي لأحلامك من حقك تكوني رشيقه من حقك تكوني انيقه واجب عليك تشيلي الشحوم الزايده عشان صحتك عشان تتجنبين الامراض في المستقبل عشان تكوني خفيفه زي الفراشه وما تسيري حمل زايد على اهلك في يوم من الأيام..
ضروري تخططي صح عشان تسجلي الأهداف صح ..
حني على نفسك سامحي نفسك لك سنوات واكلك عباره عن خرابيط وان سويتي رياضه يوم يومين طنشتي شهر .. احنا مجتمع نادره فيه ثقافة الرياضه
لذلك لاتستعجلين اعطي نفسك ٩ اشهر الى سنه عشان مايسير جسمك مترهل عشان مايسير وجهك مشهب وباهت عشان ما ترجعين كل كيلو نقصتيه بعد شهر من ترك الرجيم اصبري اصبري جسمك يستحق خليك انسانه ايجابيه ابحثي عن اي شي يثلج قلبك وزنك ثابت ؟ شوفي المقاس اكيد نقص افرحي بكل مقاس توصلين له
مثلا تلبسين حاليا بنطلون مقاس ١٨ اشتري ١٦ عشان تلبسينه لا تروحين تشترين مقاس ١٢ وتعلقينه وكل يوم تناظرينه بتطولين وهو ما دخل بالتالي بتملين من الانتظار وبدل ما يكون الغرض من الفكره التحفيز يسير الغرض منها التحطيم اذا لبستي ال ١٦ افرحي افرحي من قلبك واجلسي مع نفسك جلسه ثانيه وجددي أهدافك وروحي اشتري مقاس ١٤ وعلقيه مكان الاول 👍💪
......
وهكذا الى ان تشوفي نفسك وصلتي لهدفك وحققتي حلمك
وقتها ناظري نفسك بالمرايه وقدمي لها كلمة شكر
واثني عليها وقولي لها عبارات امتنان لانها قوية واستطاعت بكل صبر وثبات الين حققت حلمك
واشتري كل لبس نفسك فيه وكنتي محرومه منه
استمتعي بجسمك وجمالك ورشاقتك
جددي دولابك كامل
جميع ملابسك القياسات الكبيره تصدقي فيها
وخلي ملابسك الجديده نفس مقاسك بالضبط عشان كل ما تشوفي لبس ضاق عليك على طول يدق عندك جرس الخطر انك بديتي تتعدي الخط الأحمر في عالم رشاقتك
وتنزلي الكيلو او الغرامات الزايده وتبقي كذا طول العمر
...


اتمنى لي ولكل وحده جسم جميل ورشيق وتحقيق اهداف وامنيات
كل شي يسير بالعزيمه والاراده والتحمل والصبر
وتأكدي ان مافيه شي سهل ومافيه شي صعب
الف ميل يبدء بخطوة
وتحقيق الهدف يحتاج منك صبر وطولة بال
واياك والاستعجال حبيبتي
اتمنى هالكلام يوصل قلوبكم ...
تحياتي لكم 💕🌷