السلام عليكم ورحمه الله
اخواتى اليوم حابه اشاركم فى طريقتى فى المحافضه على شنطي
طبعا انا استخدم الدولاب عندي فيه رفوف مخصصتها للشنط داخل الدولاب وانتى تقدرين تستخدمين جرار التسريحه اذا هو كبير او اذا المكان ضيق ممكن تجيبين صندوق من الكرتون او بلاستك بغطاء وتدخليها تحت السرير
مثل هذا مثلا
فيه منها انواع كبيره وتراعين ان الارتفاع يكون مناسب لتحت السرير
الحين تكلمنا عن المكان الحين نتكلم عن طريقه الحفض
فيه كثير من الشنط يكون معها اكياسها بس انا الصراحه مااحب احطها فى كيسها لانى لاحظت انها تجفف الشنطه بعد فتره وانها لاتحمي كثيرا من الغبار
فصرت اطبق الكيس وادخله داخل الشنطه علشان ينفشها ويحافض على قوامها
طبعا الشنط الى مامعاها اكياس او اكياسها صغيره
علشان انفشها استخدم لها مخده صغيره وخفيفه مثل هذي
بس الى ماتحب او ماعندها مخده زي هذي
عندي لها فكره انتبهي لها
اولا اجيب مجموعه من السفر حقت الاكل وافرشها علشان تنفش او مجموعه اوراق او بلاستك الى تجي فيها الثياب من الغسال----- زين بعدين اجعلكها وادخلها فى كيس بلاستك عادي والزق عليها واخليها زي المخده واستخدمها
لاى شنطه عندي واحيانا اخليها فى الشنطه دائما حتى لو كنت باستخدم الشنطه وماعندي اغراض كثيره بدخلها فيها علشان تحافض على شكلها وماتتصفط الشنطه على وانا شايلتها
طيب الحين لما تجين تخزنينها فى الدولاب
اولا تاكدي من انك فرغتيها تماما من الاغراض لانها ممكن بعد السهره تكونين ناسيه فيها خاتم او اسواره او رقم مهم او مفتاح وتنسين وين حطيتيه
ثاني شي امسحيها ممكن باسفنجه الخاصه بمسح الجزم الى فيها شوي زيت (طبعا ليست للشمواه)
اذا عرفتوها----- او باي اسفنجه تخصصينها لهذه الغايه
ثم نجي للاهم والى رح يحافض على الشنطه من الغبار والجفاف
طبعا كلكم اشتريتوا مفارش لاسرتكم وطبعا يجي اكياس بسحاب شي للمخدات وشي للملتون وشي للمفرش نفسه
وهذولى احسن شي لحفض الشنط
طبعا على حسب كبر الشنطه تختارين الكيس المناسب وممكن تحطين كل شنطتين مع بعض
رح تحافض عليها زي ماقلنا من قبل والشي الثاني انك رح تشوفينها
واضحه قدامك ولا تنسين ان عندك هذا اللون او ذاك عند تنسيق الملابس
مع الشنطه
واذا لم تتوفر لك هذي الاكياس ممكن استخدام اكياس عاديه
بس اختاريها بحجم كبير ويتناسب مع احجام شنطك
الفكره تجربه شخصيه والصور من النت
واي وحده بتنقل الموضوع لافادة اخواتها تتفضل
يسعدني اكون اول وحده ردت :)