تعالي شوفي حياتك

يابنات اعجبتني تجربة من تجارب الناس اللي صادفتهم في حياتي وحبيت اني انقلها لكم مع الفائده ولاتنسون تدعون لي اوك:smheart:
هذي احد الاخوات زوجها مغرم بشي اسمه ورق كان دائما يحتفظ بالفواتير واوراق المستشفى واوراق شغل مالها فايده وكتب دراسته رغم ان لها سنين لكن يرفض انه يحذفهم يقول لا هذي يمكن استفيد منها هذي مهمه وكان يعصب يعني تخيلوا كذا طبعه هااااااااااااااادي لكن اذا جت سيرة اوراقه ينقلب عصبي 180 درجه
لدرجه ان اوراقه صارت كراتييييييين وفي كل مكان الارض امتلت كراتين في كل غرفه
الطامه الكبيره انا ولده صار زيه بالضبط , زهقت منهم تقول انا امنيتي بيتي يصير زي بيوت الناس, وكانت دائما تتحسر على حالها لكن ربك فراج الهموم وارحم الراحمين ألهمها فكره انو كل يوم ارمي ورقه ورقتين وصارت فعلا ترمي من دون مايدرون على ورقه او ورقتين ولكن بعد فتره كذا صارت ترمي اكثر لانهم مايدرون من كثر الكراتين وش يدرون ليدرون من كثرهم
المهم صارت عدد الكراتين تقل من دون مايحسون وبدأت تعودهم شوي شوي يعني اللي فهمته منها كل شهرين تتخلص من كرتون الموضوع مر على الزوج وابنه عادي بعدها لانه كرتون واحد مأثر وهم متعودين على الكراتين ماليه الارض بعدها صارت تتخلص كل شهر من كرتون وعلى هذا الموال لحد زوجها وابنها تخلصوا من عقدتهم طبعا ماكانت ترمي الكرتون بأكمله مره وحده لا كانت ترمي على ورقه او ورقتين في البدايه بس بعدين صارت ترمي عدد اكثر من الاوراق من دون احد يعرف
وقدرت تتخلص من مشكلتها وتعيش حياتها زي ماتتمنى
بتسألون اكيد طيب ماسألوها وين الكراتين؟طبعا اكيد سألوها وقالت ما اعرف او قالت لها صرفه الله اعلم
المهم التجربه حقتها اعجبتني وحبيت افيدكم فيها واقول الفائده اللي استنتجتها منها
حياتك تبع لافكارك لو افكارك نافعه في دينك ودنياك فحياتك طيبه وسعيده
لكن لو افكارك مضره في دينك ودنياك فحياتك شقيه وتعيسه
الله رزقها فكره نافعه انها كل يوم ترمي ورقه او ورقتين مع الوقت طورت فكرتها في الاخير عاشت نفس الحياه اللي تتمناها
انت تقدري تتحكمي في حياتك وتتخلصي من مشاكلك من خلال افكارك
اتمنى الغايه من موضوعي وصلت لكم