تعالي نحكي قصتي وقصتك في التعرف بمنتدانا الحبيب

السلام عليكم ورحمة الله
مثل ماهو واضح بالعنوان كل وحده تحكي كيف تعرفت على عالم حواء الحبيب وراح ابدا بنفسي
عاد الله يسلمكم في مثل هالوقت تقريبا من السنة اللي فاتت طلعت حامل كنت مسويه تحليل هرموني وماني عارفة قصة الارقام اللي فيه ابي اعرف باي اسبوع السونار مابين المهم قلت مافي الا اني ابحث في النت والا تطيح عيني على هالمنتدى الرائع تمنيت اني عرفته من زمان العضوات الله يسعدهم متعاونات ويردون على الكل غير الدعوات الطيبة واهم اهم شي انه منتدى نسائي نقي حتى الصور المايعه اللي يحطونها الاعضاء في المنتديات الثانيه ماهي فيه والتذكير من وقت لوقت ومن اكثر من عضوه بالامور الدينيه في كل الاقسام عاد انا حسيت نفسي طحت على كنز تحسفت اني ماعرفته من اول وقررت اني اسجل علما اني مافكرت اسجل في اي منتدى من قبل حدي اتصفح وخلاص بصراحه كل الاقسام رائعة المجلس العام وقسم حياة اسرية ولو ان بعض الاوقات تصير قصص دراميه واكشنات بس ماعليه نتسلى وقسم التنظيف بعد يعجبني اروح افرفر فيه واشحن بطارية واقوم على شغل البيت ههههه وكل الاقسام احب ازورها من وقت لوقت وقاعده اوصي اختي واقولها لايفوتك منتدى في قمة الروعة عاد وريتها بعض المواضيع اللي عجبتني وهي بعد عجبها المنتدى
الله يسعد كل وحده ساعدت في هالمنتدى وذكرت بالله والله يجعلها في موازين حسناتكم وانتظر مشاركتكم