صباح الخير :)
قبل شوي كنت اكتب في مو ضوع الزوجات الي يعانون من احراج ريحه الفم مع الصبح
وبعد ماخلصت كتابه جلست افكر يمكن فيه بنات يعانون ولا احد يعرف يعاني
قلت خلني اكتب موضوع واخلي الخلق يستفدون
هي مجموعه تجارب قريتها هنا بس من زمان ورجعت ادورها
اول تجربه يمدحون فيها و يقولون وانا مدري ان الخلطه هذي مايستخدمها الا الاميرات
والوصفة هي 30 حبة قرنفل + 30 حبة هيل +2 او 3 اعواد القرفة طبعا الكل ينطحن وينضاف له قليل من دهن العود وتحطي كل يوم قبل النوم شوية بطرف الاصبع على مؤخرة اللسان
والوصفه الثانيه
تقول صاحبتها انها من وصفات جدتها الزينه لمشكله الرائحه وبانقلها كما هي
ولاتنسون تدعون لصاحبه الموضوع وجدتها
المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر
الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك ونتي نايمه علشان اذا قعدتي من النوم تتفلفين على ابو الشباب على طول ههههههههههههههه
ويارب تجربونها وصدقوني بتعجبكم وهذي طريقة جدتي اللي مشهوره بصناعة البخور والعطور وكانو يسمونها الفواحه من جمال ريحتها والحين كبرت ومريضه الله يشفيها وتوارثنا شغلتها وحبيت افيدكم
انتهى كلام الاخت
**فيه شي قريت عنه في موقع ثاني**
ان في صيدليه زمزم بالرياض حبوب او شي ثاني ماني متاكده
اذا اكلتيها توخر الريحه لو انها انشالله من المعده
الخلطات انا ماجربتها ولا اعرف احد جربها بس شكلها زينه
مع انه ينخاف من دهن العود
بالفت انتباهكم لشي ثاني
الغسولات الي تخص الفم حلوه على المدى القريب بس استخدامها لفتره طويله مضر
انصحكم تبتعدون عنها الا للحاجه
الي عندها وصفه حلوه لاتحرم خواتها في المنتدى منها
(ام سحاب) @am_shab_2
عضوة نشيطة
يلزم عليك تسجيل الدخول أولًا لكتابة تعليق.
افكادو
•
مشكورة
يسلمووو مرررا اقتنعت في بخور الفم وحفظتها من زمان لحين الاستخداميسلمووو مرررا اقتنعت في بخور الفم وحفظتها من زمان لحين الاستخدام
افكادو
اsilia3
غدوف
الروح الهائمه
مشكورين على مروركم:)
واتمنى من اي اخت تدخل تضيف تعليق
علشان يرفع الموضوع ويستفيدون الناس
حتى لو كان الموضوع مايهمك
اsilia3
غدوف
الروح الهائمه
مشكورين على مروركم:)
واتمنى من اي اخت تدخل تضيف تعليق
علشان يرفع الموضوع ويستفيدون الناس
حتى لو كان الموضوع مايهمك
الصفحة الأخيرة