تعبانه نفسيا

السلام عليكم جميعا

بكتب لكم معناتي مع ام زوجي اول ماتزوج سكنت معها بنفس البيت تقريبا 4سنوات وانا معها بنفس البيت وبعدين طلنا بشقه بعد ماطلعت روحي بعد الزعل والمشاكل اول ماعرفتها وهي تدخل فيني بكل شي بكل شي يابنات الى درجت ملابسي وملابسي النوم وتزعل أذا شافت معي لبسه جديده واذا رحت لسوق لحالي تسوي نون ومايعلمون يابنات هي الي تقهرني كل شي تبي تعرفه وتهاوش وتزعل يابنات على أشياء والله العظيم أنها تافه تافه طبعا اول ماتزوجت بشهرين حملت وجبت بنت//هي الي سمته//.ملابسها هي الي تشتريها //إالى درجت ترويشها هي الي تروشها أنا مالي دخل بهذي البنت وتهاوشني عندها وتقول هذا بنتنا والله يابنات أني كأني شغاله ما كأني ام ((ألى الان البنت لها 7 سنوات انا مالي دخل فيها لا بلبس ولا بشي)) لاكن انا بالاخير عجزت اتحمل كاني اله عندها هي الي تختار ملابس وتدخل فأموري بمطبخي بغرفة النومي بكذا زادت المشاكل بعد ين حملت وجبت ولد وبنفس الوقت كنت طاااايره من الفرحه لان خلاص ماراح تدخل بهذا الولد توقعت وحطيت فبالي انها ماراح تدخل فيه بس صار العكس عذبتي عذبتي لانفاس زي الناس ولا شي زعلت ورحت عند ابوي طبعا امي مطلقه وبعيده عني ومتزوجه ولاتقدر تسوي لي شي وطلعنا بشقه بعد مابهذلتني والله وبالله وتالله اني ماعمري سويت لها شي ولاعمري تكلمت من كثر ما اخاف انها تسبب لي مشكله صرت ساااكته عندها وعند بناتها ماادري ليش هي تسوي فيني كذا هيى توهمني انها قلبه ابيض وانها على نياتها أنا ما ابي تدخل فيني تخيلو يابنات صار يجيني ضيقت صدر وساعات ودي اصييييييح بقوه احس اني مقهوره منها مقهور ه منها لاني ابوي دايم اذا صارت مشكله صار معها وزوجي اذا زعلت صارمعها وزعل علي الى درجه انه ضربني علشااانه تخيلوا يابنات يضرني قدامها وعلى شانها وهي سااااااااااكته ومبسوووطه وتقوله خلاص خلاص اتركها وادع ربك تجيك وحده بنت اجواد انا وش سويت والله وبالله وتالله اني مظلومه مظلومه ماراح اسامحها ابد ابد لاني تزوجت وانا صغيره ماعرف شي ولانها نكدت علي عيشتي وحرمتني من بنتي وولدي تعاملني كاني شغاله تهاوشني قدام بناته وقدام (((بنات بناته اي باثنوي والي بالمتوسط ))) تخيلوا تخيلوا قدام الشغالات مالي احترام لامن كبير ولامن صغير انا الي مصبرني هو زوجي لانه طيب بس امه السبب وهو طيب وعلطول ينسى وعلطول يرضى
المشكله مو هاذي المشكله انه باقي شهر واسكن معها في نفس البيت بيت جديد طبعا انا مالي راي في اي شي كل شي رايي غلط مايصلح دايم ذوقي موحلو

انا تعبت لاني اكتم بقلبي وهي مستقويه على اي شي يصير تهددني (بحرمك من عيالك .. والله لعلمه تقصد زوجي والله لاخليه يطلقك تبغاني امشي على كيفه انا تعبت تعبت تعبت تعبت تعبت انسانه حشريه وما احد يصبر يجلس عنده ...حتى بناته يشكون منها هذي امهم ...ويدرون عن كل شي تسويه ويدرون ان امهم غلط وتصنع مشاكل بس انا وش ذنبي ؟؟ ا. بس انا مالي دخل اتعذب واتعذب صار همي و شغلي الشاغل هي انا وش اسوي واذا زعلت علي زعلوا بناتها معها وحاربوني وزوجي معهم المشكله انهم يدرون ان امهم حاره وعصبيه ودايم نيتها شينه تفسر الامور على كيفه وتزعل من كيفه وتغلط علي وتقرني وبالاخير تزعل وتقول ليش ماتتأسفين اتأسف ليش وش سويت أنا حساسه جدا وماعرف اتأسف لاحد ماغلطت عليه ..!!! والله العظيم انها يابنات تزعل على اي شي تااااااافه تااااااااااااافه وعلى اشياء ما اتوقع انها تزعل عليها اذا زعلت على عيالها حطت حررتها فيني بدت تهاوشني وتسبني وتقهرررني بكلامها تحسسني اني بموت اذا زعلت على

الي قاهرني انه بقى شهر ويخلص البيت الجديد وراح اسكن معها وانا خلااااااص ما عاد اتحمل منها اف كرهته كرهته انا ما ادري وش اسوي اطلق صعبه ابي عيالي انا مشاكلي من امه واذا سكنت معها بتزيد المشاكل تكفوووووووووون علموني وش اسوي وش اسوي
ادري اني طولت بس قهر بقلبي لمين اشكي ولمين افضفض حرمتني من صديقاتي ومن كل شي بس ساعدوني انتظر لاتخيبون ضني ارجوكم وشلون اتعامل معها ..؟ ما اقدر اطنشها لانها هي تجيلني وهي الي تبدا وهي الي تصنع مشاكل ؟