تعبتني الحبوب / ومن حصولها كذا بعد الولاده ؟

السلام عليكم

بنات انا لي 8 أشهر والده
واستخدم حبوب منع حمل تعبتني تساقط شعري بسببها نفسيتي دائماً زفت
على قولتهم لو مرت ذبانه على خشمي تهاوشت معها

فالبدايه استخدمت حبوب وأتعبتني نفسيا رحت لطبيبه واعطتني اخف ولانفع
لما تخلص الحبوب الوقت مابين وقت الدوره ( الله يكرمكم) ووقت تركي للحبوب هالايام أكون تعبانه فيها بس ابكي فيني ضيق وأرمي كلام بدون ما أحاسب نفسي لما تجئ الدوره وتعدي يومين ترجع نفسيتي حلوه وعلى هالحال كل ما قربت تخلص الحبوب

انا متزوجه ومو معقول اجلس كذا عند زوجي
أفكر اترك الحبوب بس خايفه احمل وولدي لسى صغير

ابي طريقه ربي يسعدكم هال حبوب دمرتني نفسيا

مابي لولب أفكر بالجدول من جربته وماحملت معه على الأقل افضل من الحبوب نفسيتي قبل أولد كانت حلوه بس مع الحبوب تدمرت حتى زوجي يقول أتمنى ترجعين مثل قبل من ولدتي وأنتي مو انتي !!


///////////



والشي الثاني
انا بعد ما ولدت الى الان دائماً جسمي يالمني عظامي وظهري على رقبتي ومفاصلي
أدنى شغل تسويه أطيح بالفرش من الألم والتعب كأني مشتغله اسبوع متواصل
رحت لطبيبه وقلت لها عظامي تألمني من ولدت الى الان قالت احتمال نقص فيتامين دال
حللت طلع نقص بسيط قالت بس مو لدرجه اللي تشتكين منه أعطتني علاج فيتامين دال قالت استخدميه 4 أسابيع وان شاء الله يفيدك ، الأن لي 3 أسابيع استخدمه ولا غير فيني شي

من حصلها هالشي !!





والحمد لله على كل حال ، دعواتكم ربي يوفقكم


/