تعبت اعصابي منهاره

السلام عليكم ورحمة الله وبركاته

اخواتي في الله انا متوقعه اني ما اتوفق بحياتي مع زوجي :44:
في اشياء تخليني افكر اني ما أستمر معه
زوجي كان انطوائي يعني مايختلط بالناس كثير مسبقا وحساس
متعقد من تسلط والده في ماضيه ومتعقد من الصراخ والمشاكل وطول وقته خايف ان هذا الشي يشوفه معي
والان الوضع المادي مضغوط يوميا واذا ساعدته من حد اخواني افتشل وجازاني بنظره شينه يقول فشلتيني !
المهم
يحبني ودايم احس يبي يملكني بشده حنون بس اعصابه مايمسكها يطلع عن طووره
انا انسانه احب الجمعه مع البنات ومن تزوجت وهو حارمني ويقول الحريم مايتعدون باب البيت وقلت له ليه قال اخاف عليك من الناس ولا احب اخباري توصل عند الناس عن طريق النسوان قلت له انت بتوديني وبرضاك بس مانفع
وجلست معه لحد الان سنتين ما اشوف صديقاتي المتزوجات قطعتهم ولا صارو يتصلون علي ابد
بس اختي وامي واخواني لما يكلموني لازم يعرف ايش يبون وايش يسولفون فيه
ومرات اذا كان يشرح لي حاجه وهو متوتر يرتفع ضغطه من الشرح لأني ما افهمه بسرعه على قولته عنيده ومتسمكه برايي والله لايوريكم يخبطني ويضربني بين فتره وفتره ومرات يحسسني انه خبيث يعاملني كني عدوه يقول بغدرك وبترصد لك ومن هالكلام وانا والله انسانه متواضعه وبسيطه واحب البساطه ومتفائله خير لاكن هو انسان متشائم جدا جدا جدا يائس ودايم يقول انا على قد حالي ومالي غيرك ومن كثر ماهو يائس اتخيلو مايبي عيااااااال يقول
ولدرجة ان الاجار ارتفع بالفتره الاخيره يقول لي مابي عيال ما اقدر اصرف عليهم ويتعذر بعذر ثاني يقول اني مريضه نفسيا ايش رايكم ؟؟؟؟؟؟
انا اصلا بدت نفسيتي تنهار تعبت منه صرت افقد اعصابي صرت اخاف انه يمسني جن وقت الزعل من كثر الخناق واعوذ بالله من الجن
والله صحتي صارت تدهور واعصابي تنهار واصرخ بلا شعور وقت الخناق حتى صرت اصرخ عليه منجنه منه يا ربي
انا الان افكر ننفسل لاني اخاف صحتي تتعب اكثر من كذا نفسيتي تعبت بجد وهو مايراعيني يزيد فيني ايش رايكم اقول له بعرض نفسي لاخصائيه اجتماعيه او طبيبه نفسانيه انا وانت نروح يقول لا لا لا يرفض قلت طيب لي انا يقول لا
قلت له بس يعلمونا كيف نسيطر على اعصابنا هم يرفض
افيدوني