تعبت تعبت طقت كبدي!!!!

بنات زوجي يسوي حركات تغث تغث. يعني فوق تعبي وفوق العيال وفوق سهري طول الليل من الارق افكر كيف اطور شغلي وازيد دخلي
ماطلع من البيت الا مادر بس مقابل هالعيال وهالزباين
والبيت
وهو طالع واصحابه وسهر وعايش حياته

مايقدر يدور بس اي شي علشان يتحكم
اول بكوي له ملابس بيطلع
قال هاتي لي ملابس داخليه منقلت انا بكوي بتلقاها ع طول توني مدخلتها الدولاب
لا عناد يبغاني اجيبها ...جبتها وانا معصبه كل ذا كسل يعني مايقدر يجيبها والا بس تحكم

من القهر قلت خير كل شي انا اسويه بيت عيال وانت حتى الفلوس علي صعبه تجيبها والا ماتعرف وزعل ع كلمة فلوس وانا صادقه اجامله يعني
انا متزوجه ابغى ينصرف علي
قدرت ظروفه وقلت معليه يابنت اشتغلي انتي والي يجيك لك اشيل معه الحمل
بس اشوف زودها يبغاني اصرفه
اول اطلبه بطاقه عشان جوال الشغل قال خلاص تعطيني من الي بيجيك هالشهر سكتت مارديت

المفروض مايتدخل في الي يجيني
قبل ماشتغل كان يدبر طلبات البيت
بعد ماشتغلت استغفر الله ماهمه واخر همه ولقلت له شي قال مامعي
قبل ماشتغل ماكان معه وكان يتحرك

ااخ بس قسم كرهت شغلي بسببه ماستفدت من الي يجيني ابدا

افكر اترك الشغل واقوله جيب وجيب
خلي يحسسسس شوي

فالح لي هو جالس يحلم بجيب وبشتري وبسوي. تحرك طيب الفلوس مو جايتك وانت جالس

راتبه نسمع به مانشوفه يطيره ع البقالات وديون

صديقتي لها عندي فلوس سحبها وشرا مسدس يقول ببيعه وارجع لها من المكسب فلوسها
واعرفه بيرجع فلوسها بس الحين طاح بكبده مانباع وبيتدين ويسددها بس اذا فلوسي مستحيل

مدري وش اسوي تعبت معه قسمممم
لا وعندي زواج لقرايبي يقول تقضي من حافزك
زمان قبل حافز والشغل كان يدبر لي. ويتحرك ويبيع علشان يقضي لي
الحين. لا
ادري الغلط مني بس وش اسوي

انا وحده طموووووحه وحبيت الشغل وفوق انه يدخل علي يسليني يطلعني من الجو الكآبه والتفكير

صعبه تتركه اول لنفسي
وقلت له مالك دخل في الي بيجيني
بس ابغاه يتحرك يدور وظيفه ثانيه كذا مره اقول ويقول طيب بدور
وهو كذاب جالس يروح لدوامه ويجي ينام ويصحى ومه اصحابه وعلى ذا الحال يوميا

واعرفه زين مازين يقدر يدبر عمره بس مايبغى. اهم شي عنده بس حليب وحفايظ وشايف انه مكفي وموفي يوم يجيبها

وبياع كلام درجه اولى اصبري بشتريلك وبسوي لك وبحط وبسوي وهو جااالس
يقول ان شاء الله القى مبلغ (......) ويحط رقم خيالي وبسوي وبفعل
وانا اعطيه ع جووووه
بس ذبحني لمتى وادري ومتاكده اان جنس الرجال مافيهم ذرة وفاء اول ماتجيه فلوس بيطق الثانيه ً

واقولها في وجهه ويقول لا مستحيل

تعبت من نفسي الطيبه ذي
وانا ماطلبته شي فوق طاقته ابغاه يتحرك يفكر ع الاقل احسه مهتم شايل همنا
مو كل التفكير علي انا
عيالي ماعندهم ملابس صيفيها ع ملابسهم الشتويه كل ماقلت له قال لجاء الراتب جاء الراتب وطيرررره وعيالك قال طيب ان شاء الله
واعرفه يستناني انا اقول يللا علي


وقهرني يوم زعل من جد والله انا مو مكينه كل شي فوق راااسي وهو بس نوم واصحاب ودوام صعبه يساعد شوي شايفني تعبانه
فيني حررررره وقهر

ومالي الا الله ...ابوي يالله في عياله لاقدر اشكيله ولااقدر اثقل عليه والا هالادمي صبرت عليه لليل

وعمتي امه عايشه حياتها وربي منعم عليها والله يزيدها ومو حاسين ابد
عندهم اراضي ورث من ابوهم كل ماجاهم احد بيشتري رفضت هي وبناتها علشان ماعجبهم السعر ويبغون اكثر
طيب فكرو في عيالكم اثنين غير. زوجي ماعندهم وظايف غير زوجي وديونه
فسم احيانا ودي اتكلم بس اسكت اقول بكيفهم وش دخلني بس قهر والله قهر