تعبت للحد اللي ماحد بيتحمله

السلام عليكم ورحمة الله وبركاته..الله يبارك لنا فيما تبقى من رمضان ويتقبل منا اللي راح..ويفرج همومنا ويكشف غمومنا جميعا..اولا ابغى منكم تدعون لي الله يعجل بيوم فرقاي من زوجي انا وعيالي والله يريحنا منه على خير..
اكيد بتدخلون ملفي وبتشوفون مواضيعي المهم اخر ماتوصل له زوجي انه دخل علي قبل امس قبل الفطور بساعه وهو معصب واخذ مبخره وكسر فيها الفرن وكسر المطبخ وطلع سكينتين من الدرج الله لايسامحه الله لايحلله الله لايبيح منه وينصرني عليه وكل هذا قدام عيالي وقام يلحقني وانا الله لايوريكم ماعاد قدرت اتكلم او اتحرك ويتكلم ويسب والفاظ علي وعلى اهلي يعني موقف جعلكم ماتمرون فيه..ابغى اتكلم ماعاد قدرت ويمشي ويطعن في الباب ويطعن بالكنب ويرميني باشياء ثقيله لو وصلتني بتقضي علي..وهو يصارخ قام وفتح الثلاجه وشرب مويه وشربني معه بالغصب والله يابنات من الخوف اني سويتها بملابسي وضربني كفوف بوجهي ..وما كفاه قام وطلع من درجه جنبيه كبيره ويلحقني بها في المجلس وكنت وقتها بانجن واساسا ماعاد ادري وش اقول ..وشوي طلع ورجع قد ريحته دخان وصار هادي اه يابنات تكفون دعواتكم ان الله يفكني منه انا وعيالي
قام يقولي ان اهلي يقولون انتبه لزوجتك وجاء يقولي انتي ايش شافوا اهلي عليك..يعني منت واثق فيني ومنت عارفني عشان تجي تقولي كذا..وبعدها قام يقولي انا احبك ويجعلهم كلهم يقصد اهله فدوتك وانا انا انا..بس انا تعبانه يابنات لابعد ماتتصورون..وربي فكرت اهرب انا وعيالي 
سبق وقلت لكم ان زوجي يهدد حتى اهلي ويهددني لو اروح ويهدد حتى بقتل عيالي وانا ماعلمت احد لان اخواني بيقتلونه وبتجي مشاكل عشان كذا اضحي بنفسي عشان ماتجي فوق راس اهلي ..لكن ادعوا لي ادعوا لي كل ماتذكرت الموقف اللي قبل امس ابكي واصارخ من عير شعور والنوم ماعاد قدرت انام ..اسال الله في هذه الساعه ان يعجل بالفرج علي وعلى كل وحده ضايقه فيها الدنيا..واسال الله انه ينصرني على من عاداني واستقوى علي وعلى من تكلم بهذا الكلام وان الله يريني فيه عجايب قدرته ..واللي عندها حكمه تشير علي الله يحرم وجهها على النار ويرزقها من حيث لاتحتسب