تعبت من اختي

السلام عليكم
هذي اول مره اشارك في منتدى بعد ماتعبت جد وصدق ابي حل من شخص فاهم بالنفسيات
اختي اصغر مني مسببة لي قهر وحزن
مو طبيعي وش كثر تشوه صورتي قدام خواتي وامي
وتحاول تهز ثقتهم فيني
بكل شي تعاندني انا بالذات. تهزء فيني وبشكلي وباهتماماتي حاولت ارد عليها بكل الطرق وخلاص كل فتره نتهاوش مانتكلم ابد الشهور وتاكدت انها اسم اختي
تحب اي احد يكرهني او اي احد ما احبه تصير تحاول تحتك فيهم وتصادقهم وحتى تتذلل لهم وتمددح بمبالغه فيهم يعني عرفت ان فيه بنت انقطعت علاقتي معها صارت كل يوم تمدحها وتجيب طاريها بس قدامي تتعمد لدرجه امي ملاحظه
امي طبعا تكره تصرفاتها وتدعي انها تتزوج بمكان بعيد عنا لانها انسانه مؤذيه
تمدح بنفسها حتى لو كذب ان احد مدحها وان الناس ميتين عليها
نرجسيه جدا ولاتفكر الا بنفسها وحتى خواتي يدرون انها اذا بتقهرني تجيب لهم هدايا قدامي وانا تتعمد انها تتجاهلني وكل كلامها مبالغات وردات فعلها تفشل
تعايرني بعمري بلبسي كل يوم تجيب طاري العمر ان الي بعمري تزوجو وعجايز وتسوي انها تسولف مو قصدها
مره كنت ارقص وشبهت رقصتي بوحده مجنونه تطلع بمسلسل قدام قرايبي حتى هم استغربو كيف كذا اخت تكلم اختها واحسهم عارفين ان علاقتنا غريبه
اخواتي فاهمينها وهذا الي شوي مريحني بس تجيهم باساليب ثانيه وتتبلا علي وتنبسسسط اذا سوت حزب علي وكبرت مشكله ولاصارو يكلموني لدرجه تمر جنبي وتغني يعني تصرفات غريبه والله
انا اكبر البنات الي ماتزوجو بالبيت فيه اكبر مني متزوجات وامي وابوي يحبوني لاني باره الحمدالله فيهم ومو ذنبي انهم يفضلوني ولا قد مدحت بنفسي قدامها
وصلت لمرحله ادعي عليها بالوتر وبالسجود وباوقات الاجابه ان ربي يذوقها مثل ما اذوق منها قهر كني عدوه مو اخت
تعبت والله