تعبت من حمام الليل؟؟

اب

حبيبتي بتتعبين معاه شوي بس ان شاء الله بترتاحين
انتي حاولي معاه لا تلبسينه حفاظه خلاص
اذا بتطلعين لبسه سروال الداخلي اللي زي الحفاظ اساليه كل شوي تبغى الحمام
ودخليه انتي وصفقي اذا خلص وشجعيه على الحمام
انا ولدي كان كذا اتعب ونا اوديه الحمام واحيانا ما الحق عليه الا اذا هو سواها بس الحمد الله اللحين خلاص وهو في نفس عمر ولدك بس مشكلته احيانا ما يتكلم ابغى الحمام اذا كان نايم يصحى يبكي واعرف انه يبغى الحمام يمكن ولدك يكون نفس الطريقه والله يعينك

بداية المشوار يكون أفضل فالجو المعتدل يعني مو برد عشان فالبرد الواحد كل شوي يروح !نزين فالبداية التعود فالبيت وقت النهار ولما الطفل يتعود يعني خلال كم يوم أو اسبوع تبدي ما تلبسيه الحفاض فالليل ، و الطفل يتبول قبل لا ينام بس ابدااااااا لا تعوديه يصحى من النوم عشان الحمام !!لأنه راح يتعود انه يصحى دائماا،يعني قبل لا ينام ضروري يدخل الحمام ،بس عاد طول الليل لا لحد صلاة الفجر ممكن تشوفي اذا يريد يروح الحمام ،بس سالفة ضبط المنبه كل ساعتين لاااااا!!!،بالنسبة للعمله الكبيره انا بنتي بعد التعود على الصغيره بدت فالكبيره ،لكن لما شافت العمليه صارتلها مثل العقده و ظلت ترفض تسوي بدون حفاض حتى لو احطها ثلاث أيام ،،فتركتها فتره لكن لما شفت انه ما فيه فايده حتى بالتشجيع و القصص ،اشتريت تحاميل للإسهال و حطيتلها وحده ،طبعا هذاك اليوم اتبهدلت لأنها تبكيييييي ما تريد تروح الحمام و في نفس الوقت ما تقدر تمسك نفسها ،المهم كنت اوديها الحمام عشان تتسهل تقريبا طول اليوم و في كل مره أقولها شفتي انه عادي ما يعور ، وانك صرتي كبيره خلاص و انك شاطره تسويها فالحمام ، وان الوسخ ما يلمس جلدك الحين لأنه على طول يروح بيته اللي هو "المرحاض "الله يعزك ،،بس يوم واحد و الأمور الحمدلله مشيت و من يومها ما لبست الحفاظ ،،العمليه بس يريدلها صبر لكن فالنهايه راح تنجح ،،الله يوفقك

ياقلبي عليه توه صغير تحمليه

فعلا مشكلة يبيلها طول بال وصبر

الخطوة الاولى التعويد في النهار وهذه اوكي على كلامك انه يعرف بس ينسى نفسه احيانا مع اللعب بس خلك وراه تذكّريه

الخطوة الثانية انه يكون بدون حفاظ في المولات ,, فعلا مشكلة بالذات مع نظافه الحمامات العامه ( انتي عارفه المشكلة طبعا )
اما أقرف ادخلهاااا حتى ,,, فأضطر ألبسهاا حفاظة وتسويهااا والمشكلة نضطر نرجع البيت عشان ماتطول بالحفاظه مع العملة الكبيرة
بس انتي مادري في اي بلد ,, اذا فيه امكانية تدخلي حمامات المولات أفضل ,, بس الله يعينك لازم تنظفيها وتطهريهاا قبل

اخر شي الحفاظه وقت النوم ,, احسن شي خليه يتبول قبل ماينام مباشرة ولا تلبسيه حفاظه وحطي له (مشمّع ) اللي ينباع في الصيدليه ويستخدموه في المستشفى ,, حطي بين المرتبة وبين المفرش حق سريره عشان حتى لو تبول مايجي على المرتبة
وهو اذا صحى ولقى نفسه مبلل حيقرف ويحاول مايعيدهااا بس لازم المعاناه هذه في البداية ولازم كم مرة يسويها على نفسه في السرير